हतियार खरिदबारे प्रधानमन्त्रीले संसदलाई जानकारी दिनुपर्छ : सांसद खरेल

असार ३१, २०७९ शुक्रबार १४:१५:७ | उज्यालो सहकर्मी

काठमाण्डाै – नेकपा एमालेकी सांसद पवित्रा निरौला खरेलले भारत र चीनबाट हतियार खरिदका लागि सरकारले ठूलो रकम छुट्टयाएको छ भन्ने विषयबारे संसद्लाई स्पष्ट पार्न प्रधानमन्त्री शेरबहादुर देउवासँग माग गर्नुभएको छ ।

आज शुक्रबार प्रतिनिधि सभा बैठकमा बोल्दै सांसद खरेलले संसद् बाहिर हतियार खरिदका लागि सरकारले ठूलो रकम छुट्टयाएको चर्चा भएको उल्लेख गर्दै त्यसबारे संसदलाई तत्काल जानकारी गराउन प्रधानमन्त्री देउवासँग माग गर्नुभएको हो । उहाँले त्यस सम्बन्धमा प्रधानमन्त्रीले संसद बाहिर कुरा उठाए पनि संसदभित्र जानकारी नगराएको भन्दै आक्रोशसमेत व्यक्त गर्नुभयो ।

उहाँले भन्नुभयो, ‘संसदमा धेरै दिनदेखि हतियार खरिदका लागि ठूलो रकम छुट्टयाइएको कुरा उठिराखेको छ । प्रधानमन्त्रीले बाहिर कुनै कोठामा हतियार ल्याइन्नँ भन्ने कुरा उठाउनुभएको कुरा सुन्नमा आएको छ । तर प्रधानमन्त्रीले याे कुरा सदनभित्र आएर किन भन्न सक्नु हुन्न ? तत्काल उहाँले संसदमा आएर यसबारे प्रष्ट पार्नुपर्छ । ’

सांसद खरेलले झापाको विभिन्न ठाउँमा जङ्गली हात्ती आतङ्कका कारण धानबाली समेत लगाउने अवस्था नआएको जानकारी गराउँदै त्यसलाई तत्काल नियन्त्रण गर्न पनि सरकारको गम्भीर ध्यानाकर्षण गराउनुभयो । धानबाली लगाउने बेलामा सरकारले धानको बिउसमेत किसानलाई व्यवस्था गर्न नसकेको उहाँले गुनासो गर्नुभयो ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्