न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
रुसको आक्रमणमा परि युक्रेनका धनाढ्य व्यापारी र उनकी श्रीमती मारिएका छन् । दक्षिणी सहर माइकोलाइभमा रुसले गरेको आक्रमणमा ७४ वर्षीय ओलेक्सी भाडाटुर्स्की र उहाँकी श्रीमती रायसाको ज्यान गएको हो ।
घरमा राति मिसाइल प्रहार हुँदा दम्पतीको ज्यान गएको बीबिसीले जनाएको छ । भाडाटुर्स्की अन्न निर्यातमा संलग्न एक कम्पनी निबुलोनको सञ्चालक हुनुहुन्थ्यो । उहाँले ‘हिरो अफ युक्रेन’ अवार्ड समेत पाउनु भएको थियो ।
युक्रेनका राष्ट्रपति भोलोदिमिर जेलेन्स्कीले घटनाको भत्सर्ना गर्दै भाडाटुर्स्कीको निधनले ठूलो क्षति पुर्याएको बताउनु भएको छ । राष्ट्रपति जेलेन्स्कीको कार्यालयले जानाजानी रूसले भाडाटुर्स्कीलाई निशाना बनाएको आशङ्का गरेको छ ।
दक्षिणी सहर माइकोलाइभ, ब्ल्याक सीमा युक्रेनको सबैभन्दा ठूलो बन्दरगाह ओडेसा जाने मुख्य मार्गमा छ । युक्रेन र रुस गहुँ र अन्य अन्नका प्रमुख निर्यातकर्ता हुन् । युद्धका कारण निर्यातमा अवरोध हुँदा अहिले विश्वभर खाद्यान्नको मूल्य बढेको छ ।