सीमा क्षेत्रमा तनाव कम गर्न भारत–चीनबीच सहमति
चैत १५, २०८० बिहिबार
चीनको विदेश मन्त्रालयले बेइजिङमा रहेका चीनका लागि अमेरिकी राजदूत निकोलस बर्न्सलाई बोलाएर अमेरिकी सभामुख न्यान्सी पलोसीको ताइवान भ्रमणप्रति विरोध व्यक्त गरेको छ ।
चीनले राजदूतमार्फत आधिकारिक रूपमा विरोध व्यक्त गरेको हो । चिनियाँ उपविदेशमन्त्री से फेङले पलोसी भ्रमणको प्रकृति खराब भएको र चीन मौन नबस्ने भन्दै गम्भीर परिणामको चेतावनी दिनुभएको बीबीसीले जनाएको छ । चीनले पलोसीको भ्रमणविरुद्ध यसअघि पनि बारम्बार चेतावनी दिँदै आएको छ ।
यसैबीच ताइवान भ्रमणमा रहेकी पलोसीले ताइवानका राष्ट्रपति साइ यिङ वूनसँग पनि भेटवार्ता गर्नुभएको छ । उहाँले ताइवानसँग यसअघि जनाएको प्रतिबद्धताबाट अमेरिका पछि हट्न नहुने भन्दै अमेरिका साथमा रहने बताउनुभएको छ । भेटपछिको संयुक्त पत्रकार सम्मेलनमा उहाँले यसअघि अमेरिकाबाट पुरुष सांसदहरू आउँदा चीनले केही नबोलेको तर आफू आउँदा ठूलो विवाद गरेको गुनासो पनि गर्नुभएको बीबीसीले जनाएको छ ।
गए राति ताइवान पुग्नुभएकी पलोसी आज ताइवानको संसदमा पनि जानुभएको छ । पलोसी ताइवान पुगेपछि चीनले ताइवानमाथि सम्भावित बल प्रयोग गर्न सक्ने भन्दै ताइवानले सतर्कता बढाएको छ । चीनको आलोचक रहँदै आएकी पलोसीको भ्रमण दशकौँमा भएको उच्च अमेरिकी अधिकारीको भ्रमण हो । पलोसीको भ्रमणलाई ह्वाइट हाउसले भने समर्थन गरेको छैन ।
स्वशासित टापु ताइवानमाथि चीनले दाबी गर्दै आएको छ । हिजो चीनले ताइवान र मुख्य चिनियाँ भू–भागको अनौपचारिक विभाजन रेखामाथि युद्धक विमानहरू उडाएको थियो । अमेरिकाले पनि ताइवानको सीमा क्षेत्रमा युद्धपोत परिचालन गरेको थियो ।