डेढ वर्षदेखि प्रमुखविहीन यातायात व्यवस्था कार्यालय

असोज १४, २०७५ आइतबार ९:५९:५९ | शैलेन्द्र महतो

धनुषा – यातायात व्यवस्था कार्यालय जनकपुर डेढ वर्षदेखि प्रमुखविहीन बनेको छ । दैनिक सबैभन्दा बढी सेवाग्राही आउने यातायात व्यवस्था कार्यालय लामोसमयदेखि प्रमुखविहीन हुँदा निमित्तको भरमा चल्दै आएको छ । निमित्त पनि फेरिएको फेर्‍यै छन् । प्रमुखविहीन हुँदा कार्यसम्पादनमा समस्या हुने गरेको सेवाग्राहीहरुले गुनासो गरेका छन् ।

कार्यालय प्रमुख अच्युतप्रसाद रेग्मी २०७३ चैत महिनामा सरुवा हुनुभएको थियो । त्यस पश्चात् २०७४ वैशाखको पहिलो साता तीर्थराज खनाल कार्यालय प्रमुखमा हाजिर हुनुभयो । तर उहाँ झण्डै एक वर्ष कार्यालय प्रमुख हुँदासमेत कार्यालयमा एकसाता पनि बस्नु भएन । र २०७४ वैशाखदेखि नै यातायात व्यवस्था कार्यालय निमितको भरमा चल्दै आएको छ । तीर्थराज खनाल कार्यालय प्रमुख भएपनि उहाँ कार्यालयमा उपस्थित नहुँदा २०७४ वैशाखदेखि झण्डै ९ महिना कार्यालयका शाखा अधिकृत बालकृष्ण हुमागाईं निमित्त भएर कार्यालय सञ्चालन भयो ।

हुमागाईंको सरुवा भएपछि ४ महिनासम्म अर्का शाखा अधिकृत राजन पोखरेल, उहाँको समेत सरुवा भएपछि कार्यालयका अर्का शाखा अधिकृत भक्त विष्ट निमित्त प्रमुख भएर ३ महिना कार्यालय सञ्चालन गर्नुभयो । विष्टको समेत सरुवा भएपछि गएको असार महिनादेखि कार्यालयका शाखा अधिकृत इन्जिनियर कोपेन्द्र यादव कार्यालयको निमित्त प्रमुख भएर कार्यालय सञ्चालन गर्दै आउनुभएको छ ।

तर उहाँको निमित प्रमुखको अवधिमा शाखा अधिकृत बासुदेव खतिवडा आएपछि सिनियारिटीको अधारमा १५ दिन निमित प्रमुख हुनुभयो । १५ दिन पश्चात पुनः खतिवडा गएपछि अहिले शाखा अधिकृत एवं इन्जिनियर यादवकै भरमा छ यातायात कार्यालय ।

सेवाग्राहीको गुनासो मात्र होइन कार्यालयको प्रशासनिक कामकाज र अकास्मिक निर्णय गर्न कठिनाई भएको निमित प्रमुख कोपेन्द्र यादवको गुनासो छ । निमित प्रमुख यादवले भन्नुभयो ‘दैनिक कार्यालय सम्पादनको काम हामीले गरिरहेका छौं । तर कार्यालयको विषेश निर्णय र प्रशासनिक काम प्रभावित भएको छ । ’

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्