अनैतिक सम्बन्ध खुल्ने डरले धनुषामा जेठानीको हत्या, देवरानीसहित दुईजना पक्राउ

असोज १६, २०७५ मंगलबार ७:२७:३३ | शैलेन्द्र महतो

धनुषा – अनैतिक सम्बन्ध खुल्ने डरले धनुषामा एक महिलाको हत्या भएको रहस्य खुलेको छ । गएको असोज ३ गते आफ्नै कोठामा मृत फेला परेकी धुनषाको हंसपुर नगरपालिका–८ की २८ वर्षीया सञ्जुदेवी मण्डलको हत्या भएको रहस्य खुलेको हो ।

आफ्नै कोठामा मृत फेला परेकी सञ्जुले आत्महत्या गरेको शंका गरिए पनि जनकपुर अञ्चल अस्पतालमा भएको पोस्टमार्टम रिपोर्टले उनको घाँटी थिचेर मृत्यु भएको देखाएपछि प्रहरीले अनुसन्धान सुरु गरेको हो ।
अनुसन्धानको क्रममा प्रहरीले सञ्जुको हत्या आरोपमा उनकी देवरानी २४ वर्षकी बिकाकुमारी मण्डल र स्थानीय २७ वर्षका लालबाबु मण्डललाई पक्राउ गरेको जनाएको छ ।

प्रहरीले अनुसन्धानको क्रममा बिकाकुमारी र लालबाबुबीच अनैतिक सम्बन्ध रहेको अञ्जुले थाहा पाएपछि उनीहरु दुवैजना मिलेर हत्या गरेको प्रहरीमा बयान दिएका छन् । उनीहरुको सम्बन्धबारे अञ्जुले थाहा पाएपछि बाहिर सार्वजनिक गर्छन् कि भन्ने आशंकामा उनको हत्या गरिएको जिल्ला प्रहरी कार्यालय धनुषाले जनाएको छ ।

पक्राउ परेका बिकाकुमारी र लालबाबुले सञ्जुको हत्या गरेको प्रहरीमा बयान दिएको धनुषाका प्रहरी नायव उपरीक्षक दिपेन्द्रबहादुर शाहीले बताउनुभयो । उहाँका अनुसार बिकाकुमारी र लालबाबुले घटनामा प्रयोग गरेको ग्लोब्ससमेत फेला परेको र दुवैजनामाथि थप अनुसन्धान भैरहेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्