औषधिको सही प्रयोग नहुँदा मानिससँगै पशुपक्षी र बोटबिरुवामा जीवाणु हाबी हुँदै

मंसिर २, २०७९ शुक्रबार ७:५२:१३ | उज्यालो सहकर्मी

काठमाण्डाै - मानिससँगै पशुपक्षी र बोटबिरुवामा जीवाणु हाबी हुँदै गएको छ । पछिल्लो समय जीवाणुमा औषधिविरुद्धको प्रतिरोधी क्षमता बढ्दै गएको विज्ञले बताएका छन् । जीवाणु शक्तिशाली बन्दै जानुमा जथाभाबी औषधिको प्रयोग नै मुख्य कारण भएको विज्ञको भनाइ छ ।

विज्ञका अनुसार नेपाल जस्ता विकासोन्मुख देशमा यो समस्या अझ बढ्दो छ । तर, औषधिले काम नगर्ने अवस्था विश्वव्यापी जनस्वास्थ्यको समस्याका रुपमा देखा पर्न थालेको छ । डाक्टरको सल्लाह विना जथाभाबी औषधिको प्रयोग गर्ने, उपचार विधिको पालना नगर्नेलगायतका कारण जीवाणुको प्रतिरोधात्मक क्षमतामा बल पुगेको छ । जीवाणुमा प्रतिरोध क्षमता विकास भएर ‘सुपर बग्स’ पैदा हुँदा औषधिहरु काम नगर्ने अवस्थामा पुगेका छन् ।

मानिस तथा पशुपक्षीमा हुने सङ्क्रमण रोकथाम तथा उपचारमा प्रयोग हुने एन्टिमाइक्रोबियल औषधिको सही प्रयोग गर्न पनि विज्ञले आग्रह गरेका छन् । आजदेखि आउँदो ८ गतेसम्म ‘सबै क्षेत्र जुटौँ प्रतिजैविक प्रतिरोध रोकथाम गरौँ’ भन्ने नाराका साथ र विगतको ‘एन्टिमाइक्रोबियलको प्रयोग सावधानीपूर्वक गरौँ’ भन्ने भावनाका साथ नेपालमा पनि सचेतना सप्ताहमा विभिन्न कार्यक्रम हुँदैछन् ।

विश्व स्वास्थ्य सङ्गठन र खाद्य तथा कृषि सङ्गठन, तथा विश्व पशु स्वास्थ्य सङ्गठनको संयुक्त आह्वानमा सन् २०१५ देखि हरेक वर्ष नोभेम्बर १८ देखि २४ तारिखसम्म एन्टिमाइक्रोबियल सचेतना सप्ताह मनाउने गरिएको छ ।

विश्व स्वास्थ्य सङ्गठनको एक तथ्याङ्क अनुसार विश्वभर एन्टिमाइक्रोबियल औषधिले काम नगर्दा बर्सेनि झण्डै सात लाख मानिसको ज्यान जाने गरेको छ । जनचेतना नजगाउने भने सन् २०५० सम्ममा यो सङ्ख्या बढेर बर्सेनि एक करोडसम्म पुग्ने देखिएको सङ्गठनले जनाएको छ । साथै एकसय खर्ब अमेरिकी डलर बराबरको आर्थिक क्षति हुने अनुमान छ ।

मानव तथा पशु स्वास्थ्य र वातावरणलगायतमा असर पुग्ने बजारमा उपलब्ध औषधिको गुणस्तर मापन गर्न, औषधिको गलत प्रयोगबारे नागरिकलाई जनचेतना जगाउन, डाक्टरको सिफारिस विनाका औषधि प्रयोग गर्न नगर्न विज्ञको जोड छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्