मुख्यमन्त्री राउतले भने - बलात्कार, हत्या–हिंसा रोक्न प्रदेशको आफ्नै प्रहरी चाहिन्छ

असोज २१, २०७५ आइतबार २०:६:१७ | शैलेन्द्र महतो

धनुषा – प्रदेश २ का मुख्यमन्त्री लालबाबु राउतले प्रदेश सरकारले गठन गर्न लागेको प्रहरी ऐन संविधान विपरीत भए अदालतको ढोका ढकढकाउन प्रतिपक्षीलाई चुनौती दिनुभएको छ ।

आइतबार प्रदेशसभामा सम्बोधन गर्दै मुख्यमन्त्री राउतले शान्ति सुरक्षा र सुशासनका लागि संविधानतः प्रदेश सरकारले आफ्नै प्रहरी गठन गर्न लागेको दाबी गर्नुभयो । प्रतिपक्षीले प्रदेश सरकारका प्रदेश प्रहरी ऐन र करारमा कर्मचारी भर्ना ऐन ल्याएर विवाद निम्त्याउन खोजेको आरोप प्रतिपक्षी दलले लगाउन थालेपछि उहाँले यस्तो जवाफ दिनुभएको हो ।

उहाँले सरकारको अर्थ आफ्नो प्रहरी, प्रशासन, कर्मचारी र अर्थतन्त्र रहेसम्म मात्र हुने भन्दै प्रदेशमा बलात्कार, हत्या–हिंसा भइरहेको तर आफ्नो प्रहरी नभएर कसरी चल्ने भन्दै प्रश्न उठाउनुभयो । मुख्यमन्त्री राउतले आफूले संविधान अनुसार नै प्रहरी ऐन ल्याएको दाबी गर्दै विरोधीलाई संविधान विपरीत लागे सर्वोच्च अदाल जान सुझाव दिनुभयो । उहाँले प्रहरी ऐन ल्याउन संघीय सरकारले अवरोध गरेको समेत आरोप लगाउनुभयो ।

जिल्ला प्रशासन कार्यालयले प्रदेश सरकारको कार्यक्षेत्र भित्र हस्तक्षेप गरेर प्रदेश सरकारको अधिकारको हनन् गरेको मुख्यमन्त्री राउतको आरोप छ । संविधान बनेको तीन वर्ष बितिसक्दा समेत संघीय सरकारले संघीय प्रहरी ऐन ल्याउन नसकेको प्रश्न गर्दै मुख्यमन्त्री राउतले संघीय सरकारले २÷३ वर्षभित्र पनि संघीय प्रहरी ऐन ल्याउन नसक्ने ठोकुवा गर्नुभयो ।

उहाँले केन्द्र सरकारले प्रदेश सञ्चालन गर्न कर्मचारी नपठाएर असहयोग गरेकाले बाध्य भएर कर्मचारी भर्ना गर्नुपर्ने अवस्था आएको दाबी गर्नुभयो । उहाँले प्रदेश प्रहरी र करारमा कर्मचारी भर्नाका लागि सहयोग गर्न सांसदहरुलाई आग्रह गर्नुभयो ।

विपक्षी दल नेपल कम्युनिष्ट पार्टी (नेकपा) र नेपाली कांग्रेसले प्रदेश सरकार प्रदेश प्रहरी ऐन र करारमा कर्मचारी भर्ना गर्ने विधेयक ल्याएर विवाद निम्त्याउन खोजेको भन्दै प्रदेश सरकारको जवाफको माग गर्दै गएको शुक्रबार प्रदेशसभा बैठक अवरुद्ध गरेका थिए ।

त्यसपछि आइतबार बसेको प्रदेशसभामा बैठकमा राउतले सम्बोधन गर्नुभएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्