नेपालमा रासायनिक मल कारखाना आवश्यक छैन : जनार्दन शर्मा

 असार ६, २०८० बुधबार १६:२३:५२ | उज्यालो सहकर्मी
unn.prixa.net

फाइल फाेटाे

काठमाण्डाै – सत्तारूढ दल नेकपा (माओवादी केन्द्र) का उपमहासचिव जनार्दन शर्माले नेपालमा रासायनिक मल कारखाना आवश्यक नभएको बताउनुभएको छ ।

बुधवार प्रतिनिधि सभा बैठकमा कृषि तथा पशुपक्षी विकास मन्त्रालय, शिक्षा विज्ञान तथा प्रविधि मन्त्रालय, युवा तथा खेलकुद मन्त्रालय र कानुन न्याय तथा संसदीय मामिला मन्त्रालयको विनियोजन शीर्षकमाथिको छलफलमा उहाँले याे दाबी गर्नुभएको हो । उपमहासचिव शर्माले अर्गानिक मल कारखाना भने आवश्यक रहेको औँल्याउनुभयो ।

उहाँले भन्नुभयो, ‘आज रासायनिक मल कारखानाको कुरा आइराखेको छ । नेपालमा रासायनिक मल कारखानाको आवश्यकता छैन । अर्गानिक मल कारखानाको आवश्यकता छ । हामीसँग भएका स्रोत, साधन, खनिजबाट हामी अर्गानिक मल कारखाना बनाउन सक्छौँ । त्यतातर्फ सरकारको ध्यानाकर्षण गर्न चाहन्छु ।’

उपमहासचिव शर्माले कृषिमा आधारित उद्योग स्थापनाका लागि सङ्घीय सरकारले अध्ययन, अनुसन्धान र बजेटको व्यवस्था गर्ने, प्रदेश सरकारले प्रशोधन उद्योगहरू स्थापना गर्ने, चिस्यान केन्द्रहरू स्थापना गर्ने र पालिकाले त्यसको उत्पादनमा जोड दिनुपर्ने बताउनुभयाे । शर्माले कृषि अनुदानको दुरुपयोग हुन नदिन पनि सरकारलाई सचेत गराउनुभयो ।

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

3 Comments

  • कृष्ण प्रसाद सुवेदी

    June 24, 2023, 8:43 p.m.

    रासायनिक मल उद्योग अति आवश्यक छ । तर त्यसलाई आवश्यक पर्ने कच्चापदार्थको श्रोत र उत्पादन भएको बस्तुको बजार बिश्लेषण गरी निस्कर्षमा पुग्न पर्छ ।

  •  0 Reply

  • Hari prasad gautam

    June 23, 2023, 11:38 a.m.

    तेसो हो भने रासयानिक मलको लागि अर्बौं अर्ब अनुदान किन दी राख्या..?

  •  0 Reply

  • मधु कुमार निरञ्जन

    June 21, 2023, 10:45 p.m.

    हो नेपालमा रासायनिक मल कारखाना आवश्यक छैन , सबै भ्रष्ट नेताहरुलाई खाल्डोमा पुरेर कुहाएर कम्पोस्ट (भ्रष्ट कम्पोस्ट ) तयार पार्नुपर्छ । यसबाट भ्रष्ट पनि सकिने अनि नेपाललाई कृषि प्रधान देश बनाउने नारा सफल पार्न पनि सहयोग पुग्ने ।

  •  1 Reply

तपाईको प्रतिक्रिया

समाचार

लोकप्रिय

१

वडाध्यक्ष विद्यालय व्यवस्थापन समितिको अध्यक्ष हुन नमिल्ने सर्वोच्चको ठहर

२

एसईईमा अब ‘एनजी’ आएको विषयमा मात्रै परीक्षा दिन पाइने

३

‘विश्वभर नेपाली क्रिकेटको मार्केटिङ भइरहेको छ, लगानी गर्दा घाटा हुँदैन’

४

रवि लामिछाने हिरासतमा सुतिरहेको ‘भाइरल’ तस्वीरबारे प्रहरीले अनुसन्धान गर्दै

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई