१ कराेड रुपैयाँभन्दा बढीकाे सम्पत्तिकाे स्राेत फेला नपरेपछि चाबहिलका नापी अधिकृतविरुद्ध मुद्दा

साउन १४, २०८० आइतबार १३:४४:२१ | उज्यालो सहकर्मी

काठमाण्डाै – नापी कार्यालय चाबहिलका नापी अधिकृत राजु पुरीविरुद्ध एक करोड रुपैयाँभन्दा धेरै भ्रष्टाचार गरेको आरोपमा मुद्दा दर्ता भएको छ ।

अख्तियार दुरुपयोग अनुसन्धान आयोगले पुरीमाथि परेको उजुरी छानबिन गर्दा उनीसँग रहेको दुई करोड २४ लाख ८१ हजार ६९० रुपैयाँको सम्पत्तिमध्ये एक करोड २० लाख ७७ सय ७४८ रुपैयाँको मात्रै वैधानिक स्रोत देखिएको जनाएको छ । स्रोत नदेखिएको एक करोड चार लाख तीन हजार रुपैयाँलाई बिगो कायम गरी आज आइतवार विशेष अदालतमा मुद्दा दर्ता गरेको अख्तियारका प्रवक्ता भोला दाहालले जानकारी दिनुभयो ।

पुरीको असार मसान्तसम्मको पारिश्रमिक बचत, बिक्रीबापत प्राप्त आय, कृषि आय, घर तथा जग्गा बहाल आय, बीमा परिपक्व भई प्राप्त रकम, ब्याज आय र जग्गाको मुआब्जा रकमबाट प्राप्त आम्दानीको वैध स्रोत नखुलेकाले विशेष अदालतमा मुद्दा दायर गरेको प्रवक्ता दाहालले बताउनुभयो । पुरीको सम्पत्ति उनकी पत्नी सिर्जनाको नाममा देखिएकाले सम्पत्ति जफत गर्न उनलाई पनि प्रतिवादी बनाइएको आयोगले जनाएको छ ।

पुरी २०५२ साल पुस ९ गते मा सरकारी सेवामा प्रवेश गरेका हुन् ।

अन्तिम अपडेट: माघ २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्