सुदूरपश्चिममा वर्षा, तराईमा हुस्सु : राम्रोसँग घाम नलाग्दा चिसो बढ्यो

माघ ३, २०८१ बिहीबार ११:५४:५४ | उज्यालो सहकर्मी

काठमाण्डौ – पश्चिम न्यूनचापीय प्रणालीका कारण गएरातिदेखि देशभर मौसम बदली भएको छ ।

गण्डकी प्रदेशदेखि पश्चिममा मौसम पूर्ण रुपमा बदली रहेको र काठमाण्डौ उपत्यकासहित मध्य र पूर्वी क्षेत्रमा आंशिक बदली रहेको मौसम पूर्वानुमान महाशाखाले जनाएको छ । सुदूरपश्चिम प्रदेशको एक–दुई ठाउँमा बिहानैदेखि हल्का वर्षा भइरहेको छ ।

तराईका धेरै ठाउँमा हिजो, अस्तिजस्तै हुस्सु लागेको छ । राम्रोसँग घाम नलाग्दा देशभर नै चिसो बढेको छ ।

आज पश्चिमी भू–भागहरुमा वर्षा तथा उच्च पहाडी तथा हिमाली भू–भागमा हिमपातको सम्भावना रहेकोे महशाखाले जनाएको छ । यसका कारण दैनिक जनजीवन, स्वास्थ्य, यातायात, पर्यटन तथा हवाई उडानमा असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ ।

महाशाखाका अनुसार मधेश, कोशी र लुम्बिनी प्रदेशको तराईका धेरै ठाउँमा लागेको हुस्सु, कुहिरो विस्तारै हट्दैछ । बाँकी तराई भूभागका केही ठाउँहरुमा लागेको हुस्सु र कुहिरोमा पनि क्रमिक रुपमा सुधार हुने सम्भावना रहेको महाशाखाले जनाएको छ ।

अन्तिम अपडेट: माघ ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुदूरपश्चिममा वर्षा, तराईमा हुस्सु : राम्रोसँग घाम नलाग्दा चिसो बढ्यो

तस्बिर : रासस

तपाईको प्रतिक्रिया