ललितपुरमा एकै पटक १४ सय वटा स्मार्ट बत्तीकाे उद्घाटन

मंसिर १४, २०८० बिहीबार २०:३०:४६ | उज्यालो सहकर्मी

काठमाण्डाै – ललितपुरमा एकै पटक १४ सय वटा स्मार्ट सडक बत्तीकाे उद्घाटन भएकाे छ । आज बिहीवार ललितपुर महानगरपालिकाका मेयर चिरीबाबु महर्जन र नेपाल विद्युत् प्राधिकरणका कार्यकारी निर्देशक कुलमान घिसिङले स्मार्ट सडक बत्तीकाे संयुक्तरूपमा उद्घाटन गर्नुभएकाे हाे ।

दाेस्राे चरणअन्तर्गत ललितपुरकाे भैँसे, खाेकना, बुङ्गमती, धापाखेल, सुनाकाेठी र हरिसिद्धीमा स्मार्ट बत्ती जडान भएकाे हाे । जडान भएका बत्तीमा ९० वाटकाे ११ सय ६१ वटा र ६० वाटकाे दुई सय ३९ वटा बत्ती रहेका छन् । सडक क्षेत्रलाई उज्यालाे बनाउन १२ वटा 'हाई मास्ट' जाेडिएकाे छ । यी बत्ती जडान गर्नका लागि तीन सय ७४ वटा नयाँ पाेल राखिएकाेमा एक हजार तीन वटा पाेल पहिलेकै थिए । स्मार्ट बत्ती बाल्नका लागि २४ वटा फिडर प्यानल पनि जाेडिएकाे छ । स्मार्ट बत्तीकाे एरिया कभरेज ३२ किलाेमिटर रहेकाे छ ।

नाै कराेड २५ लाख रुपैयाँकाे लागतमा स्मार्ट बत्ती जडान भएकाे महानगरपालिकाले जनाएकाे छ । यसमा ६० प्रतिशत लगानी महानगरकाे र ४० प्रतिशत प्राधिकरणकाे छ । भारतकाे प्लिप्स कम्पनीले उत्पादन गरेकाे बत्ती जडान गरेकाे महानगरले जनाएकाे छ ।

महानगरले यसअघि पहिलाे चरणमा कुपण्डाेल, जावलाखेल, लगनखेल, सातदाेबाटाे, एकान्तकुना, मङ्गलबजार, पाटन ढाेका क्षेत्रमा छ सय ६९ वटा स्मार्ट बत्ती जडान गरेकाे थियाे । जडान गरिएका बत्तीमा ५० वाटका चार सय २५ वटा, ८० वाटका दुई सय २० वटा र एक सय २० वाटका २४ वटा रहेका छन् । यस्तै कम्युनिकेशन गेटवे १२ वटा जडान गरिएकाे थियाे । त्याे बेला तीन सय ३१ वटा नयाँ पाेल राखिएकाेमा तीन सय वटा पुरानै पाेल थियाे ।

पहिलाे चरणकाे स्मार्ट बत्ती जडान गर्दा पाँच कराेड पाँच लाख रुपैयाँ खर्च भएकाेमा सबै महानगरले बेहाेरेकाे थियाे । त्याे बेला भारतीय कम्पनी क्रम्पटाेनले उत्पादन गरेकाे बत्ती प्रयाेग भएकाे थियाे ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ललितपुरमा एकै पटक १४ सय वटा स्मार्ट बत्तीकाे उद्घाटन

फाइल तस्बिर

तपाईको प्रतिक्रिया