सन् २०२३ कोइलाको अधिकतम प्रयोग हुने वर्ष : आईईए

मंसिर २९, २०८० शुक्रबार २०:११:४३ | एजेन्सी

सन् २०२३ कोइलाको खपत उच्च रहेको वर्ष हुने र अर्को वर्षदेखि यसमा क्रमशः कमी आउने अन्तर्राष्ट्रिय ऊर्जा एजेन्सी (आईईए) ले बताएको छ ।

सन् २०५० सम्ममा शुद्ध शून्य उत्सर्जन हासिल गर्न र विश्वव्यापी तापक्रम वृद्धिलाई सीमित गर्न विश्व ‘जीवाश्म इन्धनको प्रयोगबाट क्रमश फिर्ता हुने’ भन्दै संयुक्त राष्ट्रसङ्घको जलवायु परिवर्तन नियन्त्रणसम्बन्धी सम्मेलन (कोप–२८) मा झन्डै दुई सय वटा देशले सम्झौता गरेपछि आईईएको पछिल्लो पूर्वानुमान आएको हो ।

कोइला कार्बनडाइअक्साइड उत्सर्जनको सबैभन्दा ठूलो ऊर्जा–सम्बन्धित स्रोत हो जुन विश्वव्यापी तापमान वृद्धिका लागि अन्य हरितगृह ग्याँसहरूजस्तै जिम्मेवार छ ।

वैज्ञानिकहरूका अनुसार पृथ्वीमा यस पहिले नै पूर्व–औद्योगिक स्तरभन्दा १ दशमलव २ डिग्री सेल्सियसले तातो भइसकेको छ र सन् २०२३ विश्वमा आँधीबेहरी, खडेरी र घातक डढेलोको विस्तारको रूपमा रेकर्डमा सबैभन्दा गर्मी वर्ष हुने अनुमान गरिएको छ ।

चीन, भारत र इन्डोनेसियामा भएको वृद्धिले युरोप र अमेरिकामा बढ्दो मागलाई उछिनेपछि सन् २०२३ मा सबैभन्दा दूषित जीवाश्म इन्धनको खपत १ दशमलव ४ प्रतिशतले बढेर ८ दशमलव ५ अर्ब टन पुगेको आईईएले जनाएको छ ।

‘सन् २०२४ देखि विश्वव्यापीरूपमा कोइलाको माग घट्ने प्रवृत्ति देखा पर्ने अपेक्षा गरेका छौँ’, पेरिसमा रहेकाे उर्जा निकाय आईईएले उल्लेख गरेको छ ।

आईईएका अनुसार सन् २०२३ मा चीनमा मात्रै २२ करोड टन अर्थात् ४ दशमलव ९ प्रतिशतले कोइला खपत बढेको छ भने भारतमा ८ प्रतिशत र इन्डोनेसियामा ११ प्रतिशतले बढेको छ ।

युरोपमा खपत २३ प्रतिशत वा १० करोड ७० लाख टनले घटेको छ भने अमेरिकामा ९ करोड ५० लाख टन वा २१ प्रतिशतले घटेको छ जसको मुख्य कारण कमजोर औद्योगिक गतिविधि र कोइलाबाट निकालिएको उत्पादनबाट नवीकरणीय ऊर्जातर्फको यात्रा हो ।

आईईएले युक्रेनमा जारी द्वन्द्वका कारण अहिले कोइलाको चौथो ठूलो उपभोक्ता रहेको रुसमा मागको पूर्वानुमान गर्न कठिन भएको बताएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सन् २०२३ कोइलाको अधिकतम प्रयोग हुने वर्ष : आईईए

फाइल तस्बिर

तपाईको प्रतिक्रिया