बाग्मती प्रदेशमा मुख्यमन्त्री जम्मकट्टेलको एक वर्ष : कार्यकाल उपलब्धिमूलक रहेको दाबी

पुष २६, २०८० बिहीबार ८:४२:२६ | उज्यालो सहकर्मी

काठमाण्डाै - बाग्मती प्रदेशका मुख्यमन्त्री शालिकराम जम्मकट्टेल नेतृत्वको सरकारको एक वर्ष पुगेको छ । आफ्नो नेतृत्वमा सरकार गठन भएको एक वर्ष पूरा भएको अवसरमा सरकारले गरेका प्रमुख काम सार्वजनिक गर्दै मुख्यमन्त्री जम्मकट्टेलले धेरै सकारात्मक काम भएको दाबी गर्नुभएको छ ।

एकवर्षे कार्यकाल कामका दृष्टिले उपलब्धिमूलक रहेको उहाँको भनाइ छ । यो अवधिमा बाग्मती प्रदेश सरकार तथा कानुनी मन्त्रिपरिषद्का २४ बैठक सञ्चालन भइ एक सय ३८ वटा निर्णय गरिएका साथै प्रदेशसभासमक्ष पेस भएका सातवटा ऐन जारी भएको उहाँले जानकारी दिनुभयो ।

मुख्यमन्त्री जम्मकट्टेलले प्रदेश सरकार मातहतका मन्त्रालय, निकाय र कार्यालय स्थापना गरी सबै जिल्लाबाट सेवा सञ्चालन गर्ने, भौतिक पूर्वाधार र आवश्यक जनशक्तिको प्रबन्ध र कर्मचारी वृत्तिविकासका कार्यमा उल्लेखनीय उपलब्धि हासिल भएको बताउनुभयो ।

एक वर्षको अवधिमा स्वीकृत नीति तथा कार्यक्रमअनुसार सार्वजनिक सेवा प्रवाह, सामाजिक तथा पूर्वाधार विकासलगायत नागरिक सरोकारका हरेक पक्षमा सकारात्मक परिवर्तन ल्याउने दिशामा प्रदेश सरकार प्रतिबद्ध रहेको उहाँको भनाइ छ ।

सरकारले १३ क्षेत्रमा गरेका विभिन्न प्रमुख कार्य समेटिएको पुस्तक समेत प्रकाशन गरेको छ । अघिल्लो वर्ष पुस २५ गते जम्मकट्टेल मुख्यमन्त्रीमा नियुक्त हुनुभएको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाग्मती प्रदेशमा मुख्यमन्त्री जम्मकट्टेलको एक वर्ष : कार्यकाल उपलब्धिमूलक रहेको दाबी

फाइल तस्बिर

तपाईको प्रतिक्रिया