पर्यटन क्षेत्रकाे विकासका लागि सरकार र निजी क्षेत्रबीच सहकार्य आवश्यक : देउवा

 फागुन १८, २०८० शुक्रबार १८:२७:५१ | रासस
unn.prixa.net

चितवन – नेपाली कांग्रेसका सभापति शेरबहादुर देउवाले पर्यटन क्षेत्रको विकासका लागि सरकार र निजी क्षेत्रबीच सहकार्य आवश्यक रहेको बताउनुभएको छ ।

चितवनको नारायणी नदी किनारमा आज आयोजित ‘भरतपुर भ्रमण वर्ष २०२४’ को उद्घाटन समारोहमा सभापति देउवाले देशको पर्यटन प्रवर्द्धनका लागि सबै क्षेत्रको सहकार्य आवश्यक रहेको बताउनुभयो ।

नेपालको नीति तीनखम्बे अर्थनीति भएकाले पर्यटन प्रवर्द्धनमा सङ्घ, प्रदेश, पालिकाका साथै सरोकारवाला निकायको एकआपसमा सहकार्य आवश्यक रहेको देउवाले बताउनुभयो । कोरोनाका कारण नेपालको अर्थतन्त्रमा परेको असर पर्यटन क्षेत्रको चलायमान अवस्थाले परिपूर्ति गर्दै जाने उहाँको भनाइ छ ।

भरतपुर भ्रमण वर्षले राष्ट्रिय तथा अन्तर्राष्ट्रियस्तरमा प्रचारप्रसारसँगै पर्यटक वृद्धि गरी देशको आर्थिक विकासमा सहयोग पुर्‍याउने सभापति देउवाकाे विश्वास छ । भरतपुर देशकै प्रमुख पर्यटकीय गन्तव्य भएको भन्दै उहाँले महानगरपालिकामा पर्यटकीय विकासका लागि प्रयाप्त पूर्वाधार रहेको जिकिर गर्नुभयाे ।

अन्तिम अपडेट: बैशाख ६, २०८१

तपाईको प्रतिक्रिया