मनाङका किसान स्याउको बगैँचा गोडमेलमा व्यस्त

फागुन २८, २०८० सोमबार १५:५२:२८ | रासस

मनाङ – मनाङका किसान स्याउको बगैँचा गोडमेलमा व्यस्त रहेका छन् । माघ र फागुन महिनामा स्याउको बगैँचा व्यवस्थापन तथा काँटछाँट गर्ने काम गरिन्छ । त्यसैले अहिले मनाङका किसान स्याउका बगैँचा व्यवस्थापन गर्ने चटारोमा रहेका हुन् ।

पात झर्ने भएकोले यस बेला स्याउको बगैँचा उजाड देखिन्छ । फूल फुल्नुअघि नै काँटछाँट सक्ने नासोँ गाउँपालिका वडा नम्बर ८ का स्याउ किसान सोलबहादुर गुरुङले बताउनुभयो । जाडो छल्नका लागि अन्यत्र गएका मनाङबासी स्याउको बगैँचा गोडमेलका लागि घर फर्किसकेका छन् । समयमै बगैँचाको गोडमेल गरेपछि उत्पादन राम्रो हुने भएकोले चिसो नसकिँदै घर फर्किएर काम गरिरहेको नासोँ–६ तिल्चेका टंक गुरुङले बताउनुभयो ।

यति बेला मनाङको नासोँ, चामे, ङिस्याङ तथा नार्पाभूमिका स्याउ बगैँचा व्यवस्थापन भइरहेको छ । फागुन महिना लागेसँगै किसानले उजाडिएका स्याउ बगैँचामा गोडमेल, सिँचाइ गर्ने, मलजल गर्ने, रोग, किराको प्रकोप नियन्त्रणका लागि विषादी छर्किने र बोटमा फैलिएका अनावश्यक हाँगाबिँगा काँटछाँट गर्ने कृषि ज्ञान केन्द्र मनाङले जनाएको छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मनाङका किसान स्याउको बगैँचा गोडमेलमा व्यस्त

फाइल फाेटाे

तपाईको प्रतिक्रिया