गाजा युद्धमा भोकमरी एउटा ‘अस्त्र’ को रूपमा प्रयोग भइरहेको छ : युरोपेली सङ्घ

फागुन ३०, २०८० बुधबार १५:१८:२४ | एजेन्सी

युरोपेली सङ्घ (ईयू) ले गाजा युद्धमा भोकमरी एउटा अस्त्रको रूपमा प्रयोग भइरहेको आरोप लगाएको छ । ईयूका विदेश नीति प्रमुख जुजेप बूरेलले गाजामा सहायता सामग्री पुग्न नदिनुलाई मानवसिर्जित विपद्को सङ्ज्ञा दिनुभएको बीबीसीले जनाएको छ । इजरायलले उपयोगी स्थलमार्गहरू उपलब्ध नगराउँदा गाजामा मानवीय सङ्कट उत्पन्न भएको उहाँले बताउनुभयो ।

गाजामा सहायता सामग्री पुर्‍याउन सबैभन्दा छिटो र प्रभावकारी माध्यम सडक मार्ग भए पनि त्यहाँबाट आवश्यकताको सानो हिस्सा मात्र सहयोग पुग्न सकिरहेको छ । गाजामा विद्रोही समूह हमास नियन्त्रित स्वास्थ्य मन्त्रालयले बितेको दुई हप्तामा कम्तीमा २७ जना बालबालिकाले कुपोषण र पर्याप्त झोल पदार्थ नपाउँदा ज्यान गुमाएको बताएको छ ।

यस्तै संयुक्त राष्ट्र सङ्घले गाजामा कम्तीमा पाँच लाख ७६ हजार मानिस भोकमरीको चपेटामा पर्नबाट अब एक पाइला मात्रा टाढा रहेको चेतावनी दिएको छ ।

गएको अक्टोबर ७ देखि शुरु भएको युद्धमा गाजामा ३१ हजार एक सय ८० जनाभन्दा बढी मानिसको ज्यान गइसकेको छ । पछिल्लो समय अमेरिका, कतार र इजिप्टका मध्यस्थकर्ताहरूको सहभागितामा हप्तौँसम्म वार्ता चले पनि युद्धविराम वा बन्धक साटासाट गर्ने विषयमा दुई पक्षबीच अहिलेसम्म सहमति जुट्न सकेको छैन ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्