युवा जनशक्ति विदेश पलायन हुँदा चितवनमा कृषि मजदुर पाउनै मुस्किल

चैत ६, २०८० मंगलबार १५:७:१३ | रासस

चितवन – युवा जनशक्ति विदेश पलायन हुँदा चितवनमा कृषि मजदुर पाउनै मुस्किल भएको छ । व्यावसायिक खेती गर्ने मजदुरको अभावमा धेरैले कृषि व्यवसाय छाड्दै गएका छन् । पहिले पहिले कम पारिश्रमिकमा कृषि मजदुर पाउने भए पनि अहिले पाएका कामदारलाई समेत चर्काे ज्याला तिर्नुपर्ने बाध्यता छ ।

भरतपुरको अमृतनगरको युवा आधुनिक सामूहिक खेती फार्मका सचिव सुमन सुवेदीले कामदारको खोजीमा नवलपरासीको हुप्सिकोट गाउँपालिकासम्म पुगेको बताउनुभयो । तरकारीखेतीका लागि कामदार नपाएपछि खोज्न हिँड्नुपरेको उहाँले गुनासो गर्नुभयो ।

कृषि क्षेत्रमा काम गर्ने कामदारलाई बस्न र खान दिएर सीपअनुसार १२ देखि २० हजार रुपैयाँ तलब दिने गरेको सचिव सुवेदीले बताउनुभयो । यस्तै अवस्था रहे दुई/तीन वर्षमा सबैका खेतबारी बाँझै रहने उहाँको चेतावनी छ ।

अमृतनगर क्षेत्रमा हुप्सीकोटका मात्रै एक सय जनाभन्दा धेरै कामदार आएर काम गरिरहेका प्रधानमन्त्री कृषि आधुनिकीकरण परियोजना तरकारी जोनका संयोजक लेखनाथ भुसालले जानकारी दिनुभयो । एक वर्षभन्दा बढी लामो समय बस्ने कामदारको बीमासमेत गर्ने गरी ल्याए पनि छ महिनाभन्दा नबस्ने गरेका उहाँको भनाइ छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

युवा जनशक्ति विदेश पलायन हुँदा चितवनमा कृषि मजदुर पाउनै मुस्किल

फाइल फाेटाे

तपाईको प्रतिक्रिया