वर्षैपिच्छे तापक्रम बढ्दै जाँदा पृथ्वी सङ्कटमा पर्ने राष्ट्रसङ्घको चेतावनी

चैत ७, २०८० बुधबार १०:२०:१३ | रासस

संयुक्त राष्ट्रसङ्घले सन् २०२४ मा पृथ्वीको तापक्रम थप वृद्धि हुने चेतावनी दिएको छ । वर्षैपिच्छे पृथ्वीको तापक्रम बढेसँगै सन् २०२३ अहिले सम्मकै तातो वर्ष रहेको पुष्टि भएको थियो । यस वर्ष अघिल्लो वर्षको रेकर्ड पनि तोडिने राष्ट्रसङ्घको विश्व मौसम विज्ञान सङ्गठन (डब्ल्युएमओ) को प्रारम्भिक प्रतिवेदनले देखाएको छ ।

प्रतिवेदनको प्रतिक्रिया दिँदै राष्ट्रसङ्घका महासचिव एन्टोनियो गुटेरेसले पृथ्वी सङ्कटमा रहेको सङ्केत गर्नुभएको अन्तर्राष्ट्रिय समाचार संस्था एएफपीले जनाएको छ । उहाँले जीवाश्म इन्धन प्रदूषणले जलवायु अराजतकता निम्त्याएर द्रुत गतिमा परिवर्तन भइरहेको बताउनुभएको खबरमा उल्लेख छ । गएको वर्ष पृथ्वीको नजिकको सतहको औसत तापक्रम पूर्वऔद्योगिक स्तरभन्दा एक दशमलव ४५ डिग्री सेल्सियस बढी रहेको थियो ।

यो एक दशमलव पाँच डिग्री सेल्सियसको सीमा नजिक हो । यसअघि सन् २०१५ को पेरिस जलवायु सम्मेलनमा सहभागी राष्ट्रहरू एक दशमलव पाँच डिग्री सेल्सियसको सीमाबाट बच्न प्रयास गर्न सहमत भएका थिए । २०२३ मा विशेषगरी समुद्रको तातोपन र समुद्री बरफको कमीका कारण उच्च तापक्रमको सामना गर्नु परेको थियो ।

राष्ट्रसङ्घीय मौसम विज्ञान सङ्गठनको केन्द्रीय कार्यालय रहेको स्विट्जरल्यान्डले विगत दुई वर्षमा आफ्नो अल्पाइन हिमनदीहरुको १० प्रतिशत मात्रा गुमाएको छ । अन्टार्कटिक समुद्रमा पनि बरफको मात्रा सबैभन्दा कम रेकर्ड भएको थियो ।

जलवायु परिवर्तनले विश्वभर बाढी, पहिरो, जैविक विविधतामा क्षति, खाद्य असुरक्षाजस्ता समस्या निम्तिरहेका प्रतिवेदनमा उल्लेख छ । प्रतिवेदनले सौर्य, वायु र जलविद्युतमा जस्ता नवीकरणीय ऊर्जा उत्पादनमा ५० प्रतिशतले वृद्धि हुनुलाई आशाको किरणका रूपमा प्रस्तुत गरेको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वर्षैपिच्छे तापक्रम बढ्दै जाँदा पृथ्वी सङ्कटमा पर्ने राष्ट्रसङ्घको चेतावनी

साङ्केतिक तस्बिर

तपाईको प्रतिक्रिया