नागढुङ्गा–सिस्नेखोला सुरुङमार्गको निर्माण कार्य पुनः शुरु

चैत ७, २०८० बुधबार १६:१:५२ | उज्यालो सहकर्मी

काठमाण्डौ – स्थानीयवासीले गरेको अवरोध हटेपछि नागढुङ्गा–सिस्नेखोला सुरुङमार्गको निर्माण कार्य पुनः शुरु भएको छ । स्थानीयवासीले विभिन्न माग राखेर आन्दोलन गर्दा एक महिनादेखि निर्माण कार्य ठप्प भएको थियो ।

भौतिक पूर्वाधार तथा यातायातमन्त्री रघुवीर महासेठको उपस्थितिमा अस्ति सोमवार मन्त्रालयमा भएको सहमतिपछि हिजोदेखि काम शुरु गरेको आयोजनाले जनाएको छ । आयोजनाले गएको फागुन २३ गते मुख्य सुरुङ छिचोल्ने साइत निकालेकोमा स्थानीयवासीले फागुन ६ गतेदेखि नै निर्माण कार्य रोकिदिएका थिए ।

चन्द्रागिरि नगरपालिका–२ का स्थानीयवासीले उठाउँदै आएको मुख्य माग खानेपानी, सिँचाइको व्यवस्था गरिदिने, आयोजना निर्माणपछि सुरुङमार्ग सञ्चालनमा स्थानीय पीडितलाई योग्यता र क्षमताका आधारमा रोजगारमा प्राथमिकता दिने लगायत विषयमा सहमति भएको छ । अब १४ मिटर खनेपछि मुख्य सुरुङ छिचोल्ने भएकोले केही दिनमा 'ब्रेक थ्रु' को काम सकिने आयोजनाले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नागढुङ्गा–सिस्नेखोला सुरुङमार्गको निर्माण कार्य पुनः शुरु

फाइल फाेटाे

तपाईको प्रतिक्रिया