तोकिएकै समयमा सक्ने भने पनि एमसीसीका परियोजनाको प्रक्रियामै अलमल

चैत ११, २०८० आइतबार १२:४०:३२ | उज्यालो सहकर्मी

काठमाण्डौ – पाँच वर्षभित्र तोकिएकै मितिमा सक्ने भने पनि मिलेनियम च्यालेन्ज कर्पोरेसन (एमसीसी) अन्तर्गत एमसीए नेपालका परियोजना प्रक्रियाकै चरणमा अल्झिएका छन् । विद्युत् प्रसारण लाइन र सडक निर्माणका दुवै योजनामा सात महिना बित्न लाग्दा पनि जग्गा अधिग्रहणदेखि ठेक्का प्रक्रियासमेत अलमलमै रहेको छ ।

एमसीए नेपालको परियोजना गएको भदौ १३ गतेदेखि पूर्ण रुपमा लागू हुने चरणमा गएको हो । तीन सय १५ किलोमिटर लामो चार सय केभी प्रसारण लाइन तथा सबस्टेसन निर्माणका लागि एमसीए नेपालले झण्डै एक हजार ४७१ हेक्टर जमिन आवश्यक पर्ने जनाइएको छ । अहिलेसम्म रातामाटेको सबस्टेसन लागि २० दशमलव २७ हेक्टर जमिन अधिग्रहणको कार्य सकिएको छ ।

प्रसारण लाइनका टावरका लागि मात्रै १० जिल्लामा एक सय चार हेक्टर जमिन अधिग्रहण आवश्यक हुन्छ तर अहिले स्थलगत अनुगमनबाहेक थप प्रगती भएको छैन । लामो तयारीपछि आह्वान गरेको बोलपत्र प्रक्रिया नै रद्द गरिएको छ । पूर्व–पश्चिम राजमार्गको धानखोलादेखि लमहीसम्मको सडकको स्तरोन्नतिको काम पनि कागजी प्रक्रियाबाट बाहिर आउन सकेको देखिँदैन ।

एमसीए नेपालका अनुसार ४० किलोमिटर लामो यो सडकको प्रारम्भिक वातावरणीय मूल्याङ्कन प्रतिवेदन अन्तिम चरणमा पुगेको छ । यसको बोलपत्र आउँदो असारभित्र आह्वान गर्ने प्रतिबद्धता एमसीए नेपालले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तोकिएकै समयमा सक्ने भने पनि एमसीसीका परियोजनाको प्रक्रियामै अलमल

फाइल तस्बिर

तपाईको प्रतिक्रिया