झण्डै ६ वर्षपछि उपल्लो डोल्पामा चामल पठाउन शुरु

चैत १३, २०८० मंगलबार १२:६:५५ | रासस

डोल्पा – झण्डै ६ वर्षअघि कोरोना भाइरसको सङक्रमण जोखिमका कारण उपल्लो डोल्पामा रोकिएको चामल ढुवानी यसपालीदेखि शुरु भएको छ । उपल्लो डोल्पामा चालु आर्थिक वर्षदेखि चामल पठाउन शुरु गरिएको हो । शे–फोक्सुण्डो गाउँपालिकाको साल्दाङ र डोल्पोबुद्ध गाउँपालिकाको धोमा खाद्यान्न ढुवानी भएको छ ।

साल्दाङमा पाँच सय क्विन्टल र धोमा एक सय पाँच क्विन्टल चामल सुर्खेतबाट उपल्लो डोल्पामा पुर्याइएको छ । साल्दाङमा प्रतिकिलो ९५ र धोमा ९४ रुपैयाँमा बिक्री हुने गरेको खाद्य व्यवस्था तथा व्यापार कम्पनी, कर्णाली प्रदेश कार्यालयले जनाएको छ ।

डोल्पाको जुफाल, सहरतारा र दुनै शाखामा पनि चामल पठाइएको छ । कम्पनीले कुपोषणको समस्या भोगिरहेका कर्णालीका डोल्पा, कालीकोट, हुम्ला, मुगु र जुम्लामा ७३ हजार क्विन्टल पोषणयुक्त चामल बिक्री गर्न थालेको छ ।

हुम्लामा एक हजार नौ सय २०, मुगुमा एक हजार एक सय ७३, जुम्लामा एक सय ३०, डोल्पामा पाँच सय ३५, कालीकोटमा एक सय ५० क्विन्टल गरी झण्डै चार हजार क्विन्टल पोषणयुक्त चामल बिक्रीका लागि पठाइएको कम्पनीका कर्णाली प्रदेश निमित्त प्रमुख माधव मिश्रले जानकारी दिनुभयो ।

स्तरोन्नति गरिएको पोषणयुक्त चामलमा आइरन, जिङ्क, भिटामिन ए, फोलिक एसिड, भिटामिन बी–१२ लगायत मिसाएर तयार गरिन्छ । हुम्लामा जहाजबाट चामल ढुवानी हुने गरेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

झण्डै ६ वर्षपछि उपल्लो डोल्पामा चामल पठाउन शुरु

तस्बिर : रासस

तपाईको प्रतिक्रिया