गोर्खाली चियासहित नेपाली उत्पादनलाई यूएईमा भित्र्याउँदै 'फ्यामकल नेपाल'

 पुष २, २०७८ शुक्रबार १४:३४:५७ | उमाकान्त पाण्डे
unn.prixa.net

यूएई –  संयुक्त अरब इमिरेट्स यूएईको बजारमा अब 'गोर्खाली लिभ्स ग्रीन टी' चियासहित नेपाली उत्पादन आउने भएको छ । 'फ्यामकल नेपाल' नामक कम्पनीले नेपाली उत्पादनलाई यूएई ल्याउने तयारी गरेकाे हाे । कम्पनीले काठमाण्डौमा रहेकाे यूएई दूतावासमा यस विषयमा छलफल गरेकाे जनाएकाे छ । ​

नेपालका लागि यूएईका राजदूत सैइद हमदान अल नक्बीसँग भेट गरी नेपाली उत्पादन अलैँची, चिया, जडिबुटी, अत्तर, मर-मसला लगायतका सामाग्रीहरु यूएईमा पुर्‍याइ व्यापार मार्फत पर्यटन प्रवर्द्धन गर्ने विषयमा छलफल भएको कम्पनीले जनाएको छ । राजदूत नक्बीले यूएईमा नेपाली उत्पादन स्थापित गराउन सहयोग गर्ने प्रतिबद्धता समेत व्यक्त गर्नुभएको छ ।

पछिल्लो समय नेपालीहरुले यूएईमै विभिन्न व्यवसाय गरी रहेका छन् । आफ्नो उत्पादनलाई यूएई बजारमा ल्याउन सहज भए पनि अहिलेसम्म बजारमा उल्लेख्य मात्रामा नेपाली सामान आएको छैन । नेपाली उत्पादनमा पाइने शुद्धता र विविधताले जुनसुकै देशमा पनि स्वादका पारखीहरुलाई आकर्षण गर्न सक्ने भएकाले बजार विस्तार गर्न लागेको फ्यामकल नेपालका बोर्ड सदस्य निश्चल दाहालकाे भनाइ छ ।​

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ। 

1 Comments

  • dharma prakash chaudhary

    Dec. 18, 2021, 5:09 p.m.

    यो कुरा राम्रो हो , यसरी बजार बनाउन सके अरु जस्तै मह को पनि व्यापार हुन् सक्छ किनभने यसको पनि 'ल्याब टेस्ट' भैसकेको छ /यस्तो हुन् सके हामी पनि सहयोग गर्छौं /

तपाईको प्रतिक्रिया

समाचार

लोकप्रिय

१

एनपीएलको सर्वोत्कृष्ट नेपाली खेलाडी दीपेन्द्रले पाए कार

२

नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

३

सुदूरपश्चिमलाई ५ विकेटले हराउँदै जनकपुरलाई एनपीएलको उपाधि

४

साउनदेखि मंसीरसम्ममा १३ अर्ब रुपैयाँभन्दा धेरैको बिजुली निर्यात, हिउँद लागेसँगै आयात शुरु

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई