गएको वर्ष १० खर्ब ७ अर्ब रुपैयाँ रेमिट्यान्स भित्रियो, ६ लाख ३७ हजार जनाले श्रम स्वीकृति लिए

साउन ३१, २०७९ मंगलबार १८:३१:४८ | उज्यालो सहकर्मी

काठमाण्डाै – गएको आर्थिक वर्ष २०७८/०७९ मा नेपालमा १० खर्ब रुपैयाँभन्दा धेरै रेमिट्यान्स भित्रिएको छ ।

नेपाल राष्ट्र बैंकको तथ्याङ्कअनुसार गएको आर्थिक वर्षमा रेमिट्यान्स ४ दशमलव ८ प्रतिशतले बढेर १० खर्ब सात अर्ब ३१ कराेड रुपैयाँ पुगेको छ । अमेरिकी डलरमा रेमिट्यान्स आप्रवाह २ दशमलव २ प्रतिशतले बढेर आठ अर्ब ३३ करोड रुपैयाँ पुगेको छ ।

गएको वर्ष वैदेशिक रोजगारीका लागि अन्तिम श्रम स्वीकृति लिने नेपालीको सङ्ख्या उल्लेख्य रूपमा बढेर तीन लाख ५४ हजार ६ सय ६० जना पुगेको छ । अघिल्लो वर्ष यस्तो सङ्ख्या ६२ दशमलव ८ प्रतिशतले घटेको थियो ।

त्यसैगरी वैदेशिक रोजगारीका लागि पुनः श्रम स्वीकृति लिने नेपालीको सङ्ख्या गएकाे आर्थिक वर्षमा एक सय ९८ प्रतिशतले बढेर दुई लाख ८२ हजार चार सय ५३ जना पुगेको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)