प्रहरी वरिष्ठ उपरीक्षक गोपालचन्द्र भट्टराईको कथा सङ्ग्रह ‘दृश्य प्रलेख’ लोकार्पण

पुष ७, २०८१ आइतबार १५:३८:२४ | उज्यालो सहकर्मी

काठमाण्डाै – प्रहरी वरिष्ठ उपरीक्षक (एसएसपी) गाेपालचन्द्र भट्टराईकाे कथा सङ्ग्रह ‘दृश्य प्रलेख’ लोकार्पण भएकाे छ । नेपाल राजकीय प्रज्ञा प्रतिष्ठान कमलादीमा आयोजित एक कार्यक्रमका बीच कथा सङ्ग्रह लाेकार्पण भएकाे हाे ।

प्रहरी महानिरीक्षक (आईजीपी) वसन्तबहादुर कुँवर, लेखक तथा प्रज्ञा अमर न्यौपाने, लेखक तथा प्रहरी नायब महानिरीक्षक (डीआईजी) रविन्द्र केसी, पत्रकार तथा समालोचक राजकुमार बानियाँ, लेखक तथा समालोचक सुमन वर्षा र लेखक/प्रकाशक पुष्पराज पौडेलले कथा सङ्ग्रह ‘दृश्य प्रलेख’ काे संयुक्त रूपमा लोकार्पण भयो ।

कार्यक्रममा समीक्षक सुमन वर्षाले कथा सङ्ग्रहमा महिला पात्रलाई सशक्त र अधिकार सम्पन्न रूपमा प्रस्तुत भएको प्रत्येक कथाहरूले पाठकलाई नयाँपन दिने बताउनुभयो ।

समीक्षक राजकुमार बानियाँले प्रत्येक कथाका पात्र र प्रस्तुतिहरू नौलो रहेको, साँच्चिकै किताब पढेर पुरस्कृत हुने भए यो किताब हुनुपर्ने बताउनुभयो । उहाँले किताब पढ्दा कुनै पनि खोट लगाउने ठाउँ नभेटेको उल्लेख गर्नुभयाे ।

मदन पुरस्कार विजेता लेखक अमर न्यौपानेले कथाहरू पढ्दा नयाँपन र रोमाञ्चित लागेको र लेखकको पहिलो सङ्ग्रह नै यति राम्रो हुनुमा लेखकको मेहनत स्पष्ट देखिएको बताउनुभयो ।

लेखक तथा प्रहरी नायब निरीक्षक रविन्द्र केसीले आफू कथाकारसित कथा लेखनको बेलादेखि नै सँगै रहेको र कथा लेखनले प्रभाव पारेको बताउनुभयो ।

प्रहरी महानिरीक्षक वसन्तबहादुर कुँवरले प्रहरीभित्र पनि सिर्जनात्मक पक्ष रहेको र गोपालचन्द्र भट्टराईको उपलब्धि रहेको तथा र उहाँको प्रहरी सेवा र लेखन क्षेत्रमा सफलताको कामना गर्नुभयो ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्