वैदेशिक रोजगारीबाट फर्किएर स्वदेशमा उद्यम गरिरहेकालाई सरकारले सम्मानसहित  पुरस्कृत गर्ने

 माघ १३, २०७९ शुक्रबार १०:५८:५१ | उज्यालो सहकर्मी
unn.prixa.net

काठमाण्डौ – वैदेशिक रोजगारीबाट फर्किएर उद्यम गरिरहेकालाई सरकारले राष्ट्रिय सम्मान तथा पुरस्कार प्रदान गर्ने भएको छ ।

वैदेशिक रोजगारीबाट फर्किएर स्वदेशमा उद्यम गरी राष्ट्रिय उत्पादन र रोजगारीमा योगदान गरिरहेकाहरूलाई राष्ट्रिय सम्मान गर्ने भन्दै श्रम, रोजगार तथा सामाजिक सुरक्षा मन्त्रालयले आवेदन आह्वान गरेको हो । 

वैदेशिक रोजगारीबाट फर्किएर स्वदेश मै उद्यम गरी राष्ट्रिय उत्पादन र रोजगारीमा योगदान गरिरहेका उद्यमीहरूलाई उनीहरूको योगदानको कदर स्वरूप पुरस्कृत गरी स्वरोजगारीलाई प्रोत्साहन गर्नका खोजिएको मन्त्रालयले जनाएको छ । 

उद्यमीहरूले यही माघ १९ गतेसम्म मन्त्रालयमा आवेदन दिन सक्नेछन् । आवेदन मन्त्रालयको इमेल ठेगाना ष्लाय२mयभिकक।नयख।लउ मा पठाउन सकिन्छ । आवेदन दिनका लागि श्रम स्वीकृति लिएर वैदेशिक रोजगारीमा गई कम्तीमा विदेशमा एक वर्ष काम गरी स्वदेश फर्किएको हुनु पर्ने छ भने वैदेशिक रोजगारीबाट नेपाल फर्किएर व्यवसाय सञ्चालन गरेको पनि एक वर्ष पूरा भएको हुनुपर्छ । 

यस्तै मन्त्रालयबाट बितेका पाँच वर्षमा यस खालको पुरस्कार पाएको हुनुहुँदैन । 

फारम भर्दा नेपाली नागरिकताको फोटोकपी, श्रम स्वीकृतिको फोटोकपी, भिसासहित राहदानीको फोटोकपी, व्यवसाय दर्ता प्रमाणपत्रको फोटोकपी र आयकर दर्ता प्रमाणपत्रको फोटोकपी आवश्यक पर्छ । 

यसका साथै २०७८ ७९ को कर चुक्ता प्रमाणपत्रको फोटोकपी र यसअघि पुरस्कार प्राप्त नगरेको स्वघोषणा पनि साथमा हुनुपर्छ । 

अघिल्ला वर्षहरूमा यही पुरस्कारको लागि आवेदन दिएको तर छनौटमा नपरेका उद्यमीहरूले समेत आवेदन दिन सक्ने मन्त्रालयले जनाएको छ । पुरस्कारका सन्दर्भमा थप जानकारी आवश्यक भएमा मन्त्रालयमा ०१४२००४७६ वा ९८४०६१०६३० नम्बरमा सम्पर्क गर्न सकिन्छ । ।

आवेदन फारम र यस सम्बन्धी कार्यविधिसमेत मन्त्रालयको वेबसाइटमा उपलब्ध भएको मन्त्रालयले जनाएको छ ।

1 Comments

तपाईको प्रतिक्रिया

समाचार

लोकप्रिय

१

एनपीएलको सर्वोत्कृष्ट नेपाली खेलाडी दीपेन्द्रले पाए कार

२

काठमाण्डौ महानगरका प्रमुख प्रशासकीय अधिकृत गुरागाईंलाई कारबाहीका लागि सिफारिश

३

अमेरिकाले सिरियाका नेता अल–शराको टाउकोबारे घोषणा गरेको पुरस्कार हटायो

४

बाजुरा केन्द्रबिन्दु भएर बिहान ५ दशमलव २ म्याग्निच्यूडको भूकम्प

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई