काठमाण्डौ महानगरपालिकाले आजदेखि क्यान्सरको निःशुल्क परीक्षण गर्दै

 बैशाख ५, २०८१ बुधबार १०:५:५३ | उज्यालो सहकर्मी
unn.prixa.net

फाइल तस्बिर

काठमाण्डौ – काठमाण्डौ महानगरपालिकाले आजदेखि क्यान्सरको निःशुल्क परीक्षण गर्ने भएको छ । स्तन, पाठेघरको मुखको क्यान्सर तथा प्रजनन अस्वस्थतासम्बन्धी निःशुल्क परीक्षण शिविर सञ्चालन हुन लागेको हो । आज र भोलि वडा नं. ३१ को भीमसेनगोलामा शिविर चल्नेछ ।

यस्तै ७ गते, ९ गते र १० गते वडा नं. २५ र २७ को संयुक्त शिविर इनबहालमा हुने महानगरपालिकाले जनाएको छ । महानगरपालिकाका अनुसार ११ गते र १२ गते वडा नं. ३ महाराजगञ्जमा तथा १४ गते वडा नं. २६ लैनचौरमा, १६ गते वडा नं. २० भीमसेनस्थानमा, १७ गते वडा नं. २१ यंगालमा र १८ गते वडा नं. २३ ओमवहालमा शिविर सञ्चालन हुनेछ ।

यस्तै वैशाख २० गते र २१ गते वडा नं. १५ स्वयम्भूमा, २४ गते वडा नं. २ लाजिम्पाटमा, २५ गते वडा नं. २४ मखनमा, २६ गते वडा नं. २२ टेवहालमा, २७ गते वडा नं. १८ नरदेवीमा, २८ गते वडा नं. १९ कंकेश्वरीमा, ३० गते र ३१ गते वडा नं. ३२ पाल्पाकोट (छाप्रें कोटेश्वरमा शिविर हुने तालिका छ ।

शिविरबाट थप परीक्षणको आवश्यकता भएका महिलाका लागि सिभिल अस्पताल, मीनभवनमा निःशुल्क परीक्षण हुने महानगरपालिकाले जनाएको छ । 

अन्तिम अपडेट: जेठ ९, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया