काठमाण्डौ महानगरपालिकामा गरिब घरपरिवार पहिचानका लागि तथ्याङ्क सङ्कलन काम चल्दै

वैशाख २४, २०८१ सोमबार ८:१६:५३ | उज्यालो सहकर्मी

काठमाण्डौ – काठमाण्डौ महानगरपालिकाले गरिब घरपरिवार पहिचानका लागि तथ्याङ्क सङ्कलन कार्यलाई तीव्रता दिएको छ । अहिलेसम्मको तथ्याङ्कअनुसार ३५ हजार आठ सय ७५ अर्थात १५ प्रतिशत तथ्याङ्क सङ्कलन भइसकेको महानगरपालिका सामाजिक विकास विभागका तथ्याङ्क अधिकृत कृष्णराज तिवारीले जानकारी दिनु भयो ।

राष्ट्रिय जनगणना २०७८ अनुसार काठमाण्डौ महानगरपालिकाभित्र २ लाख ३८ हजार ९६६ गरिब घरपरिवार रहेको तथ्याङ्क छ । महानगरपालिकाले त्यही तथ्याङ्क अनुरुप एक जना सुपरिवेक्षकले १० जना गणकको जिम्मा लिने गरी २१ जना सुपरिवेक्षक र २०९ गणक खटाइएको तथ्याङ्क अधिकृत तिवारीले बताउनु भयो । उहाँले आउदो पाँच महिनाभित्र महानगरपालिकाका ३२ वटै वडाको तथ्याङ्क सङ्कलन काम सक्ने योजना रहेको बताउनु भयो । महानगरको सामाजिक विकास विभागका प्रमुख बिमला कोईरालाले गरिब घरपरिवार पहिचान गर्न विभिन्न सुचकलाई आधार मानेर गणना भइरहेको बताउनु भयो ।

परिवारको आकार, परिवारको शैक्षिक अवस्था, परिवारमा नीजि स्कुलमा अध्ययनरत बालबालिका, पारिवारीक औसत आयु, आम्दानीको स्रोत, परिवारमा आश्रित व्यक्तिहरुको सङ्ख्या, घरको स्वामित्व, घरको छाना, जगको प्रकार, घरमा भएको कोठाको प्रकार, कोठाको सङ्ख्या, पिउने पानीको उपलब्धता, शौचालको सुविधा र प्रकार, खाना पाउने इन्धन, बत्तीको स्रोत, गाडी, इन्टरनेट जडान, केवल टेलिभिजन, टेलिफोन, रेफ्रिजेरेटर लगायतका अवस्थाको आधारमा गरिब घरपरिवार छनोट गरिने महानगरपालिकाले जनाएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काठमाण्डौ महानगरपालिकामा गरिब घरपरिवार पहिचानका लागि तथ्याङ्क सङ्कलन काम चल्दै

फाइल तस्बिर

तपाईको प्रतिक्रिया