काठमाण्डौ – गर्मी अत्यधिक बढेपछि चितवनको रत्ननगर नगरपालिकाले नगरभित्रका विद्यालयमा गर्मी बिदा दिएको छ ।

अत्यधिक गर्मी र ‘लू’ का कारण बालबालिकाको सिकाइ क्रियाकलाप तथा स्वास्थ्यमा असर परेको भन्दै नगरपालिकाले नगरअन्तर्गतका सम्पूर्ण सामुदायिक र संस्थागत विद्यालय चार दिन बन्द गर्ने निर्णय गरेको छ । नगरपालिकाका निमित्त प्रमुख प्रशासकीय अधिकृत एवम् शिक्षा अधिकारी नारायणप्रसाद वाग्लेकाअनुसार यही जेठ १४ देखि १८ गतेसम्म सम्पूर्ण विद्यालयमा बिदा दिइएको छ ।

यसैबीच अत्यधिक गर्मी बढेपछि रत्ननगर नगरपालिकाले पाेलियाे राेगविरुद्धकाे 'आईपीभी' खोप अभियानसमेत स्थगित गरेको छ । नगरपालिकाका निमित्त प्रमुख प्रशासकीय अधिकृत वाग्लेले पालिकाका सबै वडामा रहेका सामुदायिक तथा संस्थागत विद्यालय र स्वास्थ्य संस्थामा जेठ १३ गतेदेखि १८ गतेसम्म सञ्चालन हुने तय भएको खोप कार्यक्रम गर्मीका कारण स्थगित गरिएको बताउनुभयो ।

पाेलियाे राेगविरुद्धकाे 'आईपीभी' खोप अभियान जेठ २० गतेदेखि पुनः सञ्चालन हुने नगरपालिकाले जनाएकाे छ ।