डोल्पाको फोक्सुण्डो खोला र बैतडीको महाकालीमा डुबेर तीन जना बालिकाको ज्यान गयो

असार ९, २०८१ आइतबार ९:५:४८ | उज्यालो सहकर्मी

काठमाण्डौ – डोल्पाको फोक्सुण्डो खोला र बैतडीको महाकाली नदीमा डुबेर तीन जना बालिकाको ज्यान गएको छ । एक जना बालिका बेपत्ता छिन्।

डोल्पाको शे–फोक्सुण्डो गाउँपालिकाको फोक्सुण्डो खोलामा डुबेर हिजो दुई बालिकाको ज्यान गएको हो । ज्यान गुमाउनेमा काइके गाउँपालिका–५ की १२ वर्षीया रुबिना बिष्ट र १० वर्षीया सुबिना बुढा रहेका जिल्ला प्रहरी कार्यालय डोल्पाका प्रहरी नायब उपरीक्षक हरिकृष्ण केसीले जानकारी दिनुभयो । रुबिना र सुबिना फोक्सुण्डो खोला सरसफाइ गर्न भनेर खोलामा गएका थिए । रुबिना कक्षा ५ र सुबिना कक्षा २ मा अध्ययनरत थिए ।

यस्तै महाकाली नदीमा डुबेर बैतडीको शिवनाथ गाउँपालिका–१ स्वालाकी १५ वर्षीया रजनी चाँडको ज्यान गएको छ । जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेका अनुसार शिवनाथ गाउँपालिका–१ कुस्मतघाटमा हिजो नुहाउने क्रममा बेपत्ता भएकी रजनीको शव भेटिएको हो । रजनीसँगै नुहाउन गएकी १२ वर्षीया अस्मिता चाँड बेपत्ता भएकी छिन् । उनको खोजी भैरहेको जिल्ला प्रहरी कार्यालय बैतडीले जनाएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

डोल्पाको फोक्सुण्डो खोला र बैतडीको महाकालीमा डुबेर तीन जना बालिकाको ज्यान गयो

प्रतीकात्मक तस्बिर

तपाईको प्रतिक्रिया