काठमाण्डाै – आज असार १५, राष्ट्रिय धान दिवस तथा रोपाइँ महोत्सव मनाइएकाे छ । नेपालमा २०६१ सालदेखि हरेक वर्ष असार १५ गते राष्ट्रिय धान दिवस तथा रोपाइँ महोत्सव मनाउने गरिएको छ ।

सरकारले धान दिवस तथा रोपाइँ महोत्सवको अवसरमा आज चितवनको बछौलीमा प्रधानमन्त्री पुष्पकमल दाहाल प्रचण्डको उपस्थितिमा विशेष कार्यक्रम गरेको छ । उहाँले मेशिन चलाएर धान पनि रोप्नुभएको छ ।

यस्तै राष्ट्रिय धान दिवसको अवसरमा राष्ट्रपति रामचन्द्र पौडेलले शीतल निवासमा धान रोपाइँ गर्नुभएको छ । राष्ट्रपति कार्यालयले शीतल निवासमा रोपाइँ कार्यक्रम गरेको हो ।

रोपाइँ दिवसमा आज सरकारी र गैरसरकारी संस्थाले देशका विभिन्न ठाउँमा रोपाइँ कार्यक्रम गरेका छन् । यस्तै देशभर राेपाइँ महाेत्सवकाे राैनक देखिएकाे छ । यसैगरी पाेखरामा विदेशी पर्यटक पनि महाेत्सवमा सहभागी भएका छन् ।

तस्बिर : रासस र उज्यालाे सहकर्मी