सुदूरपश्चिमका मुख्यमन्त्री सोडारीलाई राजीनामा दिन तीन दलको संयुक्त आग्रह

असार २९, २०८१ शनिबार १७:३७:५१ | उज्यालो सहकर्मी

काठमाण्डौ – सुदूरपश्चिम प्रदेशका मुख्यमन्त्री दीर्घबहादुर सोडारीलाई पदबाट राजीनामा दिन नेपाली कांग्रेस, एमाले र नागरिक उन्मुक्ति पार्टी संयुक्त रूपमा आग्रह गरेका छन् । आज धनगढीमा पत्रकार सम्मेलन गरी तीन दलका नेताले प्रदेशसभामा अल्पमतमा परिसकेको अवस्थामा मुख्यमन्त्री सोडारीलाई तत्काल पदबाट राजीनामा दिन आग्रह गरेका हुन् ।

कांग्रेस संसदीय दलका नेता कमलबहादुर शाहले मुख्यमन्त्रीले तत्काल राजीनामा दिँदा नयाँ सरकार गठन र बजेट ल्याउन सहज हुने बताउनुभयो । एमाले संसदीय दलका उपनेता सन्तोष थापा शर्मा, नागरिक उन्मुक्ति पार्टीका नेता घनश्याम चौधरीले पनि मुख्यमन्त्री सोडारीलाई राजीनामा गर्न आग्रह गर्नुभयो ।

गएको वैशाख ६ मा एकीकृत समाजवादीको संसदीय दलका नेता सोडारी सुदूरपश्चिम प्रदेशको मुख्यमन्त्रीमा नियुक्त हुनुभएको थियो । तर संघमा नयाँ सत्ता समीकरणसँगै एमालेले गएको असार २३ गते मुख्यमन्त्री सोडारीलाई दिएको समर्थन फिर्ता लिएको थियो । एमालेले समर्थन फिर्ता लिँदै पार्टीका तर्फबाट सरकारमा सहभागी मन्त्रीलाई फिर्ता बोलाएपछि मुख्यमन्त्री सोडारी अल्पमतमा पर्नुभएको हो ।

एमालेले सरकारबाट बाहिरिएसँगै सुदूरपश्चिम प्रदेश सरकारले आउँदो आर्थिक वर्षका लागि ल्याएको बजेट पारित हुने वा नहुने अन्योल छ । बजेट माथिको छलफल प्रदेशसभामा अझै शुरु हुन सकेको छैन । नयाँ गठन हुने सरकारले सोडारी नेतृत्वको सरकारले ल्याएको बजेट पारित नगरेर अध्यादेशमार्फत अर्को बजेट ल्याउने तयारी गरेको कांग्रेसका प्रमुख सचेतक विक्रमसिंह धाँमीले बताउनुभयो ।

५३ सदस्यीय सुदूरपश्चिम प्रदेशसभामा कांग्रेसका १८, माओवादी केन्द्रका सभामुखबाहेक १०, एमालेका ११, नागरिक उन्मुक्ति पार्टीका सात, नेकपा (एकीकृत समाजवादी) का चार, राप्रपा र स्वतन्त्र एक/एक सदस्य छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुदूरपश्चिमका मुख्यमन्त्री सोडारीलाई राजीनामा दिन तीन दलको संयुक्त आग्रह

फाइल फाेटाे

तपाईको प्रतिक्रिया