समाजवादी मोर्चा सक्रिय : नयाँ कार्यक्रम र योजना बनाउन कार्यदल गठन

साउन २, २०८१ बुधबार ९:३:२ | उज्यालो सहकर्मी

काठमाण्डौ – नेकपा माओवादी केन्द्रसहितको समाजवादी मोर्चा सक्रिय भएको छ। माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकार ढलेसँगै मोर्चा सक्रिय भएको हो ।

हिजो काठमाण्डौको आलोकनगरमा बसेको समाजवादी मोर्चाको बैठकले दुई ठूला दल कांग्रेस र एमालेबीच मध्यरात हस्ताक्षर गर्दै सत्ता साझेदारी र संविधान संशोधनमा भएको समझदारीलाई अपारदर्शी भएको ठहर समेत गरेको छ ।

प्रतिपक्ष दलहरूको मोर्चाले कांग्रेस–एमालेबीच ‘अप्राकृतिक’ गठबन्धन भएको पनि निष्कर्ष निकालेको छ । बैठकले विगतको समीक्षा गरेर नयाँ कार्यक्रम र योजना बनाउन कार्यदल गठन गरेको छ ।

नेपाल कम्युनिष्ट पार्टीका महासचिव नेत्रविक्रम चन्द संयोजकत्वको कार्यदलमा माओवादी केन्द्रका महासचिव देव गुरुङ, नेकपाका नेता खड्क विश्वकर्मा, नेपाल समाजवादी पार्टीका नेता गंगानारायण श्रेष्ठ, एकीकृत समाजवादीका प्रमेश हमाल सदस्य रहनुभएको छ । कार्यदललाई आगामी कार्यक्रम र योजना १५ दिनभित्र तय गर्न कार्यादेश दिइएको छ ।

हिजोको बैठकमा माओवादी केन्द्रका अध्यक्ष ‘प्रचण्ड’, एकीकृत समाजवादीका अध्यक्ष माधवकुमार नेपाल, नेपाल समाजवादी पार्टीका अध्यक्ष महेन्द्र राय यादव र नेपाल कम्युनिष्ट पार्टीका महासचिव नेत्रविक्रम चन्दलगायत सहभागी हुनुहुन्थ्यो ।

यसअघि समाजवादी मोर्चामा उपेन्द्र यादव नेतृत्वको जनता समाजवादी पार्टी पनि थियो । तर यादव हिजोको बैठकमा सहभागी हुनुभएन । ‘प्रचण्ड’ प्रधानमन्त्री भएकै बेला यादव नेतृत्वको जसपा विभाजन भएपछि मोर्चा निष्क्रिय भएको थियो । यादवले ‘प्रचण्ड’ माथि आफ्नो पार्टी विभाजन गराएको आरोप लगाउनुभएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

समाजवादी मोर्चा सक्रिय : नयाँ कार्यक्रम र योजना बनाउन कार्यदल गठन

तस्बिर : सामाजिक सञ्जाल

तपाईको प्रतिक्रिया