काठमाण्डाै – नेपालको पहिलो डिजिटल वालेट 'आईएमई पे' र शैक्षिक पोर्टल 'एडुसन्जाल' बीच एक्सक्लुसिभ पेमेन्ट पार्टनरशिपको सम्झौता भएको छ । यी दुई संस्थाबीच भुक्तानी तथा अन्य अफरहरूको साझेदारी भएको हो ।

साझेदारीपछि पहिलो दुई सय जना विद्यार्थीले 'आईएमई पे' एपमार्फत एक रुपैयाँमा 'एडुसन्जाल' ले प्रदान गर्दै आएको एलएमएस-बेस्ट सिम्याट कोर्समा भर्ना हुन सक्ने छन् । यसका साथै 'एडुसन्जाल' बाट प्राप्त हुने रेफरल कोड प्रयोग गरी 'आईएमई पे' एपमा साइन-अप गरेका विद्यार्थी प्रयोगकर्ताहरूले यस एपमा सञ्चालन हुने 'आईएमई क्विज' नामक साप्ताहिक प्रतियोगितामा भाग लिन र प्रोमोकोड जित्ने मौका पनि प्राप्त गर्न सक्ने छन् ।

साथै आउने दिनहरूमा 'आईएमई पे' एपमा नयाँ अनबोर्ड हुने विद्यार्थीहरूलाई लक्षित गरी 'आईएमई पे' एप मै विभिन्न अफर र प्रतियोगिताहरू उपलब्ध हुनेछ । यस सम्झौताबाट डिजिटल प्लेटफर्ममार्फत शिक्षाको लाभ उठाउन सकिने र डिजिटल वालेटको प्रयोगका लागि थप प्रयोगकर्ताहरू आकर्षण गर्न मद्दत मिल्ने छ ।