भक्तपुरमा टिपरको ठक्करबाट मोटरसाइकल चालकको ज्यान गयो

साउन १३, २०८१ आइतबार ९:१८:३५ | उज्यालो सहकर्मी

काठमाण्डौ – भक्तपुरमा टिपरको ठक्करबाट मोटरसाइकल चालकको ज्यान गएको छ । मोटरसाइकलको पछाडि बसेका एक जना घाइते भएका छन् । गएराति मध्यपुर ठिमी नगरपालिका–४ नयाँ ठिमीमा गण्डकी प्रदेश ७ प ५३५३ नम्बरको मोटरसाइकललाई बाग्मती प्रदेश ४ ख २९०१ नम्बरको टिपरले ठक्कर दिएको थियो ।

दुर्घटनामा मोटरसाइकलका चालक काभ्रेको मण्डनदेउपुर घर भई अहिले भक्तपुरको कमलबिनायक बस्ने २१ वर्षका सुवास तामाङको ज्यान गएको प्रहरी परिसर भक्तपुरले जनाएको छ । घाइते तामाङको मध्यपुर ठिमी अस्पतालमा उपचारका क्रममा ज्यान गएको परिसरका निमित्त सूचना अधिकारी प्रहरी निरीक्षक टेकेन्द्र शर्मा पौडेलले जानकारी दिनुभयो ।

मोटरसाइकलको पछाडि बसेका काभ्रेको महाकाल गाउँपालिका–६ घर भई अहिले भक्तपुरको कमलबिनायक बस्ने २० वर्षका सञ्जिव थापामगर घाइते हुनुभएको छ । उहाँको मध्यपुर अस्पतालमा उपचार भइरहेको प्रहरीले जनाएको छ । प्रहरीका अनुसार टिपरका चालक राजकुमार राईलाई पक्राउ गरी थप अनुसन्धान भइरहेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भक्तपुरमा टिपरको ठक्करबाट मोटरसाइकल चालकको ज्यान गयो

प्रतीकात्मक तस्बिर

तपाईको प्रतिक्रिया