प्रिमियर लिगमा हालान्डको ह्याट्रिकमा सिटीले वेस्टह्यामलाई हरायो : आर्सनल र ब्राइटनको बराबरी

भदौ १६, २०८१ आइतबार ७:५१:४५ | एजेन्सी

इंग्लिस प्रिमियर लिग फुटबलमा साविक विजेता म्यानचेस्टर सिटीले वेस्टह्यामलाई हराएको छ । गएराति भएको खेलमा सिटीले वेस्टह्यामलाई ३–१ गोलले हरायो । यो खेलमा सिटीका एर्लिङ्ग हालान्डले ह्याट्रिक गरे । उनले खेलको १०, ३० र ८३ औँ मिनेटमा गोल गरे । वेस्टह्यामले खेलको १९ औँ मिनेटमा उपहार गोल पाएको थियो ।

जितसँगै शीर्षस्थानमा रहेको सिटीको ३ खेलमा ९ अङक भएको छ । हिजो भएको अर्को खेलमा सुरुआती अग्रता जोगाउन नसक्दा आर्सनल ब्राइटनसँग बराबरीमा रोकिएको छ । आर्सनल र ब्राइटनले एक/एक गोलको बराबरी खेले ।

बराबरीसँगै तीन खेलमा सात अङ्क रहेको ब्राइटन दोस्रो र समान सात अङ्क नै रहेको आर्सनल तेस्रो स्थानमा छ । अरु खेलमा ब्रेन्टफोर्डले साउथह्याम्पटन ३–१ गोलले, बर्नमाउथले एभर्टनलाई ३–२ गोलले र एस्टनभिल्लाले लेस्टरसिटीलाई २–१ गोलले हराएको छ भने नटिङघम फरेस्ट र उल्भ्स तथा इपस्वीच टाउन र फुुलहमले एक÷एक गोलको बराबरी खेल्दै अङ्क बाँडेका छन् ।

प्रिमियर लिगमा आज चेल्सी र क्रिस्टल प्यालेस, न्यूक्यासल र टोटनहम तथा म्यानचेस्टर यूनाइटेड र लिभरपुलबीच खेल हुनेछ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रिमियर लिगमा हालान्डको ह्याट्रिकमा सिटीले वेस्टह्यामलाई हरायो : आर्सनल र ब्राइटनको बराबरी

तस्बिर : एजेन्सी

तपाईको प्रतिक्रिया