आफ्नै विवाहको पार्टीमा लगाएको पहिरनका कारण ट्रोल भइन् दीपिका पादुकोण

मंसिर १०, २०७५ सोमबार १६:३७:४५ | एजेन्सी

बलिउड अभिनेत्री दीपिका पादुकोण र रणवीर सिंहले नोभेम्बर १४ र १५ मा इटालीको लेक कोमोमा केही नजिकका साथीभाइ र आफन्तजनहरुबीच विवाह गरेर भारत फर्किएका छन् ।

भारत फर्किएसँगै दीपिका र रणवीर विवाहको खुसियाली मनाइरहेका छन् । हालै रणवीर सिंहकी दिदी रितिका भवनानीले नवविवाहित जोडीको विवाहको खुसियालीमा मुम्बईमा भव्य पार्टीको आयोजना गरेकी थिइन् । त्यो पार्टीमा रणविर र दीपिकाले निकै रमाइलो पनि गरे ।

तर पार्टीका भिडियो तथा फोटोहरु सामाजिक सञ्जालमा सार्वजनिक भएसँगै दीपिकाले पार्टीमा लगाएको पहिरनको यतिबेला ट्रोलर्सले निकै मजाक उडाइरहेका छन् । दीपिकाले चर्चित डिजाइनर सब्या साचीले डिजाइन गरेको लेहङ्गा लगाएकी थिइन् भने रणवीर सिंहले मनीष अरोडाले डिजाइन गरेको पहिरन लगाएका थिए ।

रणवीर सिंह उनको फिल्म पद्यमावतको चरित्र खिलजीबाट प्रभावित मेकअपका साथ रंगीबिरंगी ज्याकेट लगाएका थिए र दीपिकाले रंगीबिरंगी फुलबुट्टे लेहङ्गा, टाउकोमाथि रातो रंगका गुलाबका फूलहरु सजाएर लामो घुम्टी आढेकी थिइन् । उनले अनुहारमा मेकअप पनि अलि बढी नै गरेकी थिइन् ।

दीपिकाको यस किसिमको पहिरन र मेकअप फ्यानहरुले रुचाएनन् । यसअघि पहिरनकै कारण बेला–बेलामा ट्रोल हुने गरेका रणवीर सिंहका साथै यस पटक दीपिकाको पनि मजाक उडाइएको छ ।

साथै रणवीर सिंहका साथमा विवाह गरेपश्चात दीपिकाको ड्रेसिङ सेन्स पनि हराएको भन्दै मजाक उडाइएको छ । दीपिकाको लागि यस किसिमको पहिरन डिजाइन गर्ने डिजाइनर सब्यासाचीको पनि मजाक उडाइएको छ ।

ट्रोलर्सले दिपिकाको मेकअप उनले कपालमा लगाएका गुलाबका फूलहरु र लुगाको मजाक उडाउँदै कमेन्ट गरेका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्