काठमाण्डाै – न्याय परिषद्ले संविधानको व्यवस्था विपरीत न्यायाधीश नियुक्ति सिफारिश गर्न लागेको भन्दै नेपाल बार एशोसिएसनले विरोध प्रदर्शन गरेको छ ।

सेवा निवृत हुनै लागेका प्रधानन्यायाधीश विश्वम्भरप्रसाद श्रेष्ठले नयाँ न्यायाधीश नियुक्त गर्न लागेको भन्दै बारले विरोध गरेको हो । न्याय परिषद्ले न्यायाधीश नियुक्तिको सिफारिशका लागि बैठक बोलाउने निर्णय गरेकोले त्यसको विरोधमा बाध्य भएर खबरदारी सभा लगायतका विरोधको कार्यक्रम गर्नुपरेको बारका अध्यक्ष वरिष्ठ अधिवक्ता गोपालकृष्ण घिमिरेले बताउनुभयो ।

न्याय परिषद् नियमावलीका सम्बन्धमा देखिएका समस्या समाधान गर्न कार्यदल गठन गरिएको थियो । कार्यदलमा कुनै विषय नराखिकन न्याय परिषद्को बैठकबाट न्यायाधीश नियुक्तिका लागि सिफारिश गर्ने असंवैधानिक कदम अघि बढाउने प्रयास गरेपछि बाध्य भएर निरन्तर रूपमा विरोधका कार्यक्रम गरेको उहाँको भनाइ छ ।