विश्वव्यापी सार्वजनिक ऋण पहिलाे पटक एक सय ट्रिलियन डलर पुग्ने आईएमएफकाे अनुमान

असोज २९, २०८१ मंगलबार १८:२४:३१ | एजेन्सी

अन्तर्राष्ट्रिय मुद्रा कोष (आईएमएफ) ले विश्वव्यापी सार्वजनिक ऋण पहिलो पटक एक सय ट्रिलियन अमेरिकी डलर पुग्ने बताएको छ । आईएमएफले धेरै देशका लागि वित्तीय अवस्था ‘अपेक्षाभन्दा खराब’ हुनसक्ने चेतावनी दिँदै विश्वव्यापी सार्वजनिक ऋण यस वर्ष एक सय ट्रिलियन डलर पुग्ने बताएको अन्तर्राष्ट्रिय समाचार संस्था एएफपीले जनाएको छ ।

वित्तीय नीतिसम्बन्धी पछिल्लो प्रतिवेदनमा आईएमएफले यस वर्ष विश्वव्यापी सार्वजनिक ऋण कुल गार्हस्थ्य उत्पादन (जीडीपी) को ९३ प्रतिशत र सन् २०३० सम्ममा जीडीपीको १०० प्रतिशतमा पुग्ने अपेक्षा गरेको छ । यो तथ्याङ्क कोभिड–१९ महामारी शुरू हुनुभन्दा पहिलेको तुलनामा १० प्रतिशतले बढी हो ।

आईएमएफको 'फिस्कल अफेयर्स डिपार्टमेन्ट' का उपनिर्देशक एरा डाब्ला–नोरिसले ऋणको बोझ अपेक्षाभन्दा बढी हुने धेरै कारण भएको बताउँदै जलवायु परिवर्तन, अत्यधिक आशावादी ऋण अनुमान तथा ठूलो मात्रामा अज्ञात ऋणको सम्भावना जस्ता सवाललाई सम्बोधन गर्न अहिलेको खर्च सन्तुलित नरहेको उल्लेख गर्नुभएको छ । त्यसैले उहाँले सन्तुलन कायम गरी ऋणको बोझ घटाउन देशहरूले आफ्नो वित्तीय व्यवस्थापनलाई बलियो गराउनुपर्ने समय आएको बताउनुभएको खबरमा उल्लेख छ ।

प्रतिवेदनमा खराब अवस्थामा विश्वव्यापी सार्वजनिक ऋण सन् २०२६ सम्ममा जीडीपीको एक सय १५ प्रतिशत पुग्नसक्ने अनुमान गरिएको छ । यो तथ्याङ्क कोषको आधारभूत अनुमानभन्दा झन्डै २० प्रतिशत बढी हो ।

विश्वव्यापी सार्वजनिक ऋण नियन्त्रणमा ल्याउन वित्तीय समायोजनको आकार जीडीपीको औसतमा ३ देखि ४ दशमलव ५ प्रतिशतको बीचमा रहन आवश्यक रहेको आईएमएफले जनाएको छ जुन विगतका समायोजनहरूको आकारभन्दा लगभग दोब्बर हो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विश्वव्यापी सार्वजनिक ऋण पहिलाे पटक एक सय ट्रिलियन डलर पुग्ने आईएमएफकाे अनुमान

फाइल फाेटाे

तपाईको प्रतिक्रिया