इजरायल–गाजा युद्धविरामको वार्ता फेरि शुरु हुने अमेरिकी विदेशमन्त्री ब्लिन्केनको भनाइ

कात्तिक १०, २०८१ शनिबार ६:१६:५० | एजेन्सी

अमेरिकी विदेशमन्त्री एन्टोनी ब्लिन्केनले रोकिएको इजरायल–गाजा युद्धविरामको वार्ता फेरि शुरु हुने बताउनुभएको छ ।

मध्यपूर्वमा भइरहेको द्वन्द्वमा युद्धविरामबारे छलफल गर्न लण्डन पुग्नुभएका ब्लिन्केनले मध्यस्थकर्ताहरूले केही दिनमै गाजामा युद्धविरामका लागि रोकिएका वार्ताहरू पुनः शुरु गर्ने प्रयास गरिरहेको बताउनुभएको हो । तर वार्तामा हमासले भाग लिने वा नलिने भन्ने कुरा अझै स्पष्ट छैन ।

हमासका एकजना नेताले यदि इजरायलले शर्तमा सहमति जनायो भने यो युद्ध रोक्न तयार रहेको बताएका बीबीसीले जनाएको छ । अमेरिकी आग्रहपछि इजरायली गुप्तचर संस्था मोसादका प्रमुख डेभिड बार्निया कतारको दोहा पुग्नुभएको छ । तर इजरायलले हमासका दुईवटै मुख्य कमाण्डरको हत्या गरेकाले वार्ता कसरी अघि बढ्छ भन्ने टुङ्गो छैन ।

नेताहरुको हत्यापछि कमजोर अवस्थामा पुगेको हमासले अब वार्ता नै चाहेको विश्लेषकहरुले बताउन थालेका छन् । अमेरिकाले यसअघि पटक पटक इजरायललाई युद्धविरामको दबाब दिए पनि इजरायलले टेरेको छैन ।

बीबीसी हिन्दीको विश्लेषणअनुसार अमेरिकाले आफ्ना नागरिकलाई मध्यपूर्वमा अझै पनि आफ्नो प्रभुत्व रहेको देखाउन चाहेको छ । अर्कोतिर यदि अमेरिका मध्यपूर्वमा असफल भएमा चीन वा रुसले यो क्षेत्रमा प्रभुत्व जमाउन सक्ने डरले पनि अमेरिका अब युद्ध रोक्ने दबाबमा पुगेको छ ।

अन्तिम अपडेट: कात्तिक १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इजरायल–गाजा युद्धविरामको वार्ता फेरि शुरु हुने अमेरिकी विदेशमन्त्री ब्लिन्केनको भनाइ

तस्बिर : एजेन्सी

तपाईको प्रतिक्रिया