चुनावमा पराजय भोगे पनि तत्काल सरकारबाट नबाहिरिने जापानका प्रधानमन्त्रीको भनाइ

कात्तिक १२, २०८१ सोमबार १५:१६:४ | एजेन्सी

जापानका प्रधानमन्त्री शिगेरु इशिबाले मध्यावधि चुनावमा आफ्नो गठबन्धनले अपेक्षित नतिजा नल्याए पनि सरकारको नेतृत्वमा रहिरहने बताउनुभएको छ ।

इशिबाले अक्टोबर १ मा पदभार ग्रहण गरेको केही दिनपछि अक्टोबर २७ का लागि चुनावको घोषणा गर्नुभएको थियो । सन् १९५५ देखि जापानमा शासन गरिरहेको लिबरल डेमोक्रेटिक पार्टी (एलडीपी) ले चुनावमा बहुमत गुमाएको छ । चुनावमा एलडीपीले एक सय ९१ सिट र सबैभन्दा ठूलो विपक्षी दल सीडीपीले एक सय ४८ सिट जितेका छन् ।

आफ्नो दलले बहुमत गुमाएसँगै प्रधानमन्त्री इशिबाले ‘राजनीतिक शून्यता’ हुन नदिने बताउँदै सत्तामा रहिरहने प्रतिबद्धता जनाउनुभएको अन्तर्राष्ट्रिय समाचार संस्था एएफपीले जनाएको छ । उहाँले सबैभन्दा ठूलो चुनावी कारक पार्टीका जिम्मेवार नेता नै आर्थिक अनियमिततासँग जोडिएका मुद्दामा संलग्न भएको देखिनु रहेको बताउनुभएको छ ।

प्रधानमन्त्री इशिबाले आफूले पैसा र राजनीतिको विषयमा आधारभूत सुधार गर्ने भन्दै मतदाताहरूले पार्टीमाथि कठोर निर्णय दिएका बताउनुभयो ।

राजनीतिक अनिश्चितताका कारण जापानी मुद्रा येनको मूल्य गएको तीन महिनायताकै सबैभन्दा कम विन्दुमा झरेको छ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चुनावमा पराजय भोगे पनि तत्काल सरकारबाट नबाहिरिने जापानका प्रधानमन्त्रीको भनाइ

फाइल फाेटाे

तपाईको प्रतिक्रिया