च्याम्पियन्स लिग : एमबाप्पेको ह्याट्रिकमा रियल अन्तिम १६ मा, सिटी बाहिरियो

फागुन ८, २०८१ बिहीबार ८:५५:४४ | उज्यालो सहकर्मी

काठमाण्डौ – युरोपेली च्याम्पियन्स लिग फुटबलमा रियल मड्रिड, पेरिस सेन्ट जर्मेइन (पीएसजी), बोरुसिया डर्टमन्ड र पीएसभी अन्तिम १६ मा पुगेका छन् ।

गएराति भएको खेलमा स्पेनिस क्लब रियलका किलियन एमबाप्पेले ह्याट्रिक गरेपछि इङ्ग्लिस क्लब म्यानचेस्टर सिटी ३–१ ले पराजित भयो । एमबाप्पेले खेलको चौथो, ३३ औं र ६१ औं मिनेटमा गोल गरे । सिटीका निको गोन्जालेजले इन्जुरी समयमा एक गोल गरे । रियल प्लेअफमा समग्रमा ६–३ गोलले अगाडि रह्यो । पहिलो लेगमा रियल ३–२ ले विजयी भएको थियो । सिटी बाहिरीएको छ ।

त्यस्तै स्टेड ब्रेस्टोइसलाई दोस्रो लेगमा ७ गोलको फराकिलो अन्तरले हराउँदै पीएसजी अन्तिम १६ मा पुगेको हो । एउटै खेलमा सात फरक खेलाडीले गोल गरेको च्याम्पियन्स लिग इतिहासमा यो पहिलो पटक हो । पीएसजी प्लेअफमा समग्रमा १०–० गोलले अगाडि रह्यो । पहिलो लेग उसले ३–० गोलले जितेको थियो ।

त्यस्तै डर्टमन्डले दोस्रो लेगमा स्पोर्टिङ सीपीसँग गोलरहित बराबरी खेले पनि समग्रमा ३–० को नतिजासहित अन्तिम १६ मा पुग्यो । डर्टमन्डले पहिलो लेगमा ३–० गोलको अग्रता लिएको थियो । फिलिप्स स्पोर्ट वेरेनिगिङ्ग (पीएसभी) ले युभेन्ट्सलाई ३–१ गोलले हरायो ।

पहिलो लेगमा युभेन्ट्स २–१ ले अघि भए पनि पीएसभी समग्रमा ४–३ गोलले अघि रह्यो । इटालियन क्लब युभेन्ट्स बाहिरीयो । च्याम्पियन्स लिगमा शीर्ष आठ टोलीले यसअघि नै सीधै आउँदो मार्चमा हुने राउन्ड अफ–१६ मा स्थान पक्का गरिसकेका थिए ।

शीर्ष आठमा पुग्न नसकेका टोलीबीच प्लेअफ भएको हो । गएरातिका खेलसँगै लिगको प्लेअफका खेल सकिएका छन् ।

अन्तिम अपडेट: फागुन ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्