प्रधानमन्त्री कप क्रिकेटमा पुलिसको लगातार सातौं जीत, कर्णालीले लुम्बिनीलाई ५ रनले हरायो

चैत ७, २०८१ बिहीबार १८:१०:१५ | उज्यालो सहकर्मी

काठमाण्डाै – प्रधानमन्त्री कप एकदिवसीय पुरुष क्रिकेट प्रतियोगितामा आज भएका खेलमा नेपाल पुलिस क्लब र कर्णाली प्रदेश विजयी भएका छन् ।

रुपन्देहीको एक्स्ट्राटेक ओभल मैदानमा भएको खेलमा पुलिसले बागमती प्रदेशलाई ९३ रनले हरायो । पुलिसले दिएको २ सय ९८ रनको लक्ष्य पछ्याएको बागमती ४५ ओभर २ बलमा २ सय ४ रन बनाउँदा अलआउट भयो । बागमतीका ईशान पाण्डेले सबैभन्दा धेरै ७० रन बनाए । पुलिसका ललित राजवंशीले ४ विकेट लिए ।

यसअघि टस जितेर ब्याटिङ गरेको पुलिसले ५० ओभरमा ८ विकेट गुमाएर २ सय ९७ रन बनायो । पुलिसका कुशल भुर्तेलले ८८, कप्तान दीपेन्द्रसिंह ऐरीले ६० रन बनाए । बागमतीका प्रतिस जिसीले ३ विकेट लिए । प्रतियोगितामा पुलिसको यो लगातार सातौं जीत हो भने बागमतीको ६ खेलमा चौथो हार हो ।

यस्तै रुपन्देहीकै सिद्धार्थ रङ्गशालामा भएको खेलमा कर्णाली प्रदेशले लुम्बिनी प्रदेशलाई ५ रनले हरायो । कर्णालीले दिएको २ सय ६ रनको लक्ष्य पछ्याएको लुम्बिनी ४९ ओभर २ बलमा २ सय रनमा अलआउट भयो । लुम्बिनीका प्रज्ज्वल थापाले सबैभन्दा धेरै ८४ रन बनाए । कर्णालीका दिनेश अधिकारी र दीपेन्द्र रावतले ३/३ विकेट लिए ।

यसअघि टस जितेर ब्याटिङ गरेको कर्णालीले ४८ ओभर ५ बलमा २ सय ५ रन बनाउँदा सबै विकेट गुमायो । कर्णालीका दीपेन्द्र रावतले ६६, अर्जन घर्तीले ५६ रन बनाए । लुम्बिनीका रमेश कुर्मीले ३ विकेट लिए । प्रतियोगितामा कर्णालीको यो ६ खेलमा तेस्रो जीत हो भने लुम्बिनीको ७ खेलमा तेस्रो हार हो ।

अन्तिम अपडेट: चैत ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री कप क्रिकेटमा पुलिसको लगातार सातौं जीत, कर्णालीले लुम्बिनीलाई ५ रनले हरायो

तस्वीर : क्यान

तपाईको प्रतिक्रिया