हिउँ पर्‍याे हुम्लामा : हवाई सेवा ठप्प, जनजीवन कष्टकर बन्दै

मंसिर २७, २०७५ बिहीबार १३:४२:५४ | रमेश ऐडी

हुम्ला – हिमाली जिल्ला हुम्लामा हिमपात सुरु भएको छ । हिमपात भएसँगै जिल्लाका हवाई सेवा बन्द भएका छन् । हावाहुरीसहित हिमपात भएपछि जनजीवन प्रभावित बन्दै गएको छ । बुधबार रातिबाट हिमपात सुरु भएपछि नाम्खा गाउँपालिकाका बस्तीहरु सम्पर्कविहीन बनेका छन् ।

उत्तरी नाम्खा गाउँपालिकाका लिमी, हल्जी, जाँङ, तिला, चाला, यारी मुचु, केर्मी याल्वाङ, च्यादुक, याङगार, खगाँलगाँउ, हेप्का, टाङगिनलगायतका बस्तीहरु जिल्ला सदरमुकाम सिमकोटबाट सम्पर्कविहीन बनेका छन ।

यो वर्ष कात्तिक महिनाबाटै हिमपात सुरु भएपछि अत्याधिक चिसो बढेको पाइएको छ । चिसोले जिल्लाका सरकारी तथा गैह्रसरकारी कार्यालयदेखि निजी व्यवसाय गर्दै आएका होटेलहरु पनि प्रभावित बनेका छन् । यसैगरी नागरिक, अशक्त अपाङ्गहहरु बढी र विद्यालयको वार्षिक परीक्षा दिने विद्याथीहरुलाई समेत गाह्रो भएको छ ।
हिमपातले उत्तरी नाम्खा अधिकांश बस्तीहरुमा घरभन्दा बाहिर गएर गाईबस्तुलाई घाँस खुवाउन समस्या हुने गरेको स्थानीयहरुको छ ।

उत्तरी नाम्खा गाउँपालिका –६, का स्थानीयहरु बासिन्दाहरु अत्याधिक चिसो बढेसँगै जाडो छल्न अधिकाश स्थानीय गाउँ छोडी शहरतिर झरिसकेका छन् ।

चीनको सीमासँग जोडिएको हिमालपारि लिमीको तिल, हल्जी, जाङ्ग गरी ३ वटा बस्तीबाट बालबालिकासहित शहर झरिसकेका छन् । हुम्लामा हिउँ नपर्दे गाउँ छोडेर शहर झरेका लिमीका स्थानीयहरु अर्को वर्ष अर्थात २०७६ सालको वैशाख महिनामा मात्रै घर फर्कन गर्छन् ।

हिमपातले हुम्ला जिल्लामा सुरु भएको वार्षिक परीक्षा दिने विद्यार्थीहरुले सास्ती खेप्न बाध्य छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रमेश ऐडी

रमेश ऐडी हुम्लाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्