अर्थतन्त्र सुधार गर्न मेक्सिकोका राष्ट्रपतिले राज्यकोषमा फिर्ता गरे आफ्नो एक तिहाई तलब

पुष ४, २०७५ बुधबार १५:२३:४३ | उज्यालो सहकर्मी

मेक्सिकोका राष्ट्रपति आन्द्रेस मानुएल लोपेज ओब्राडोरले आफ्नो तलबको एक तिहाई रकम राज्यकोषमा फिर्ता गर्नुभएको छ ।

उहाँले यही डिसेम्बर १ तारिखबाट लागू हुनेगरी राज्यकोषबाट आफूले प्राप्त गर्ने तलबको एक तिहाई फिर्ता गर्न थाल्नुभएको हो । उहाँले अघिल्लो दुई हप्ताको २९ प्रतिशत तलब फिर्ता गर्नु भएको राष्ट्रपतिको कार्यालयले जनाएको छ ।

एक पत्रकार सम्मेलनमा उहाँले अब आफ्नो मासिक तलब पाँच हजार ३ सय ७३ डलर पुगेको र त्यसलाई मितव्ययी भई सदुपयोग गर्ने योजना बनाएको जानकारी दिनुभयो । ‘मैले फिर्ता गर्ने भनेको रकम राज्यकोषमा फिर्ता गरिसकेको छु’, लोपेजले पत्रकारहरुसँग भन्नुभयो ।

उहाँले सर्वोच्च अदालतका न्यायाधीशसहित सार्वजनिक सेवामा रहेका अन्य उच्च पदाधिकारीलाई पनि आफ्नो तलब सामाजिक सेवामा लगाउन आह्वान गर्नुभएको छ । मेक्सिकोमा सन् २०१६ मा त्यहाँको कूल ग्राहस्थ उत्पादन ४८.२ प्रतिशत देशकै ऋण रहेको थियो ।

सन् २०१७ मा ऋण प्रतिशत ४५.४ मा पुगेको थियो । देशको ऋण अत्याधिक धेरै भएका कारण आर्थिक सुधार गर्न त्यहाँका राष्ट्रपतिले नै आफ्नो पारिश्रमिकको तीन भागको एक भाग राज्य कोषमा जम्मा गर्ने योजना बनाउनुभएको हो ।

राष्ट्रपतिले देशका उच्च तहका कर्मचारी, न्यायाधीशलगायतलाई पनि आफ्नो पारिश्रमिकको केही भाग राज्य कोषमा जम्मा गर्न अनुरोध गर्नुभएको छ । उहाँले देशको अर्थतन्त्रको सुधार गर्न तथा तल्लो तहका कर्मचारीको पारिश्रमिकका सुधार ल्याउन त्यस्तो योजना थाल्नुभएको हो । कतिपय विश्लेषकले भने पारिश्रमिकबापत आएको पैसा कट्टा गर्नु देशकै आम्दानी कट्टा गर्नुभएको बताएका छन् ।

त्यहाँका राष्ट्रपतिको मासिक पारिश्रमिक पाँच हजार तीनसय ७३ डलर रहेको छ । उहाँले आफ्नो पारिश्रमिकको तीन भागको एक भाग राज्य कोषमा जम्मा गरेपछि आफ्नो पारिश्रमिक तीन हजार सात सय डलर हाराहारी हुन आउँछ । अन्य पैसा राज्य कोषमा जान्छ । मेक्सीकोले अर्को वर्षदेखि न्यूनतम पारिश्रमिकमा ठूलो परिवर्तन ल्याउने योजना बनाएको छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्