हिमांश कोहलीसँगको ब्रेकअपका कारण गायिका नेहा कक्कड डिप्रेसनमा

पुष २२, २०७५ आइतबार १२:९:४५ | एजेन्सी

सन् २०१८ मा बलिउड फिल्म उद्योगमा बलिउड उद्योगका धेरैजसो कलाकारले वैवाहिक जीवनको सुरुवात गरे । तर एक जना कलाकारको भने वर्ष २०१८ को अन्त्यमा आएर प्रेम सम्बन्ध टुटेको छ ।

गायिका नेहा कक्कड र अभिनेता हिमांश कोहलीको प्रेम सम्बन्ध वर्षको अन्त्यमा टुटेको छ । ब्रेकअपपछि गायिका नेहा कक्कडले आफूलाई सम्हाल्न निकै गाह्रो भइरहेको छ ।

यतिसम्मकी उनी निर्णायक रहेको ‘इन्डियन आइडल १०’ को सेटमा आफूलाई सम्हालन नसकेर सबैका अगाडि रोएकी थिइन् । र अहिले सार्वजनिक खबरहरुका अनुसार नेहा कक्कडलाई डिप्रेसन भएको छ ।

हिमांश कोहलीसँगको ब्रेकअपपछि नेहाले आफूलाई सम्हाल्न निकै प्रयास नगरेकी भने होइनन् । नेहाले क्रिसमस र नयाँ वर्ष २०१९ सेलिब्रेट गर्दै गरेका तस्बिरहरु सामाजिक सञ्जालमा सेयर गरेकी थिइन् ।

यस कुराबाट उनले आफू ब्रेकअपको कुरालाई बिर्सिएर नयाँ सुरुवात गर्दै गरेको कुरा समेत दर्शाएकी थिइन् । यससँगै मिडिया तथा उनका फ्यानहरुलाई लागेको थियो, नेहाले तितो अतितलाई बिर्सिएर अगाडि बढ्न खोज्दैछिन् ।

तर त्यसको २ दिनपछि नेहाले यस्तो कुरा सार्वजनिक गरिन् जसका कारण उनका प्रशंसकहरु फेरि दुःखी भएका छन् । नेहाले उनको इन्स्टाग्राम स्टोरीमा आफू अहिले निकै खराब परिस्थितिबाट गुज्रिरहेको र डिप्रेसनको शिकार भएको बताएकी छिन् ।

नेहाले उनका पूर्वप्रेमीलाई मात्रै नभई ती व्यक्तिलाई समेत यसको जिम्मेवार रहेको बताएकी छिन् जसले लगातार उनको निजी जीवनको बारेमा प्रश्न गरिरहेका छन् र उनलाई खराब कमेन्ट गरेर दुःखी बनाउने प्रयास गरिरहेका छन् ।

हिमांश कोहली र नेहा कक्कडबीचको सम्बन्ध के कुराका कारण टुटेको हो नखुले पनि ब्रेकअप पनि नेहा कक्कडको हालत भने निकै खराब भएको छ ।

बलिउडमा सुपरहिट गीत गाएर फ्यानहरुो मन जित्दै आएकी नेहा कक्कड स्वयमको दिल भने उनकै प्रेमीले तोडिदिएपछि उनी डिप्रेसनको सिकार भएकी हुन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्