जन्मदेखि नै अपांग एकै परिवारका तीन जनालाई प्रवासी बालबालिकाको आर्थिक सहयोग

असार ९, २०७५ शनिबार १६:२७:३० | सन्तोष थापा

पर्वत – एउटै परिवारका तीन सन्तान जन्मेदेखि ओछ्यानमा छन् ।

सामान्य परिवारका ती अपाङ्गको उपचार र खानपानका लागि समेत समस्या छ । सुतेरै जीवन बिताइरहेका ती अपाङ्गहरुको पीडा र समस्या युटुबमा देखेपछि अमेरिकामा बस्दै आएका प्रवासी बालबालिकाले तिहारमा देउसी खेलेर जम्मा गरेको रकम सहयोग गरेका छन ।

अमेरिकाको भर्जिनीयमा बस्ने साना बालबालिकाले तिहारमा देउसीमा जम्मा गरेको र विद्यालयको खाजा खर्च कटाएर पर्वतको बिहादी गाउँपालिका वडा नम्बर–३, रानीपानीका बलबहादुर परियारको तीन अपांग छोरीलाई आर्थिक सहयोग गरेका हुन् ।

अपांग बालबालिकालार्इ सहयाेग गर्ने प्रवासी बालबालिका

भर्जिनियमा बस्दै आएका पर्वतको कुस्मा नगरपालिका –४, का माधव र सरिता उपाध्यायका छोरा–छोरी स्मृती र प्रतिक तथा उनका साथीहरुले गएको तिहारमा देउसी खेलेको र खाजा खर्च कटाएर जम्मा गरेको ३१ हजार रुपैयाँ अपांग बालबालिकालाई आर्थिक सहयोग गरेका हुन् । सहयोग रकम पर्वतका प्रमुख जिल्ला अधिकारी गुरुदत्त ढकाल र स्मृती र प्रतिककी हजुरआमा लुमाकुमारी उपाध्यायले अपांग बालिकाका बाबु बलबहादुर परियारलाई हस्तान्तरण गर्नुभयो ।

रानीपानीका अपांग बच्चाहरुको अवस्था र उनीहरुको परिवारले स्याहार सुसारका लागि भोग्दै आएको समस्यामा सहयोगी बन्ने साना बालबालिकाको चाहना भएपछि आर्थिक सहयोग पठाएको सहयोगी बालबालिकाका आफन्त भगवतीप्रसाद उपाध्यायले बताउनुभयो ।

अमेरिकामा बस्दै आएका भैरहवाका बासिन्दा पदमराज रेग्मीको प्रेरणा र स्मृती तथा प्रतिकका साथीहरु रिवाज रेग्मी, प्रथा रेग्मी, सन्तोष क्षेत्री, बिशेष ढुंगाना र अच्यूत ढुंगनाले देउसी खेलेर रकम जम्मा गरेका थिए । सहयोग रकम हस्तान्तरण गर्दै प्रमुख जिल्ला अधिकारी गुरुदत्त ढकालले आफू र कार्यालयबाट पनि सक्दो सहयोग गर्ने बताउनुभयो ।

जन्मदेखि नै ओच्छ्यानमा रहेका बलबहादुरका चार अपांग छोरी मध्ये एक जनाको मृत्यु भएको छ । अहिले २३ वर्षकी मिठु परियार, १५ वर्षकी गंगा र १३ वर्षकी अनिताको पालनपोषण परिवारले गर्दै आएको छ ।

बलबहादुर र कौशिलाका १० सन्तान मध्ये उनीहरुले चार सन्तान गुमाइसकेका छन । एक छोरीको विवाह भइसकेको छ । एक छोरी विद्यालय पढ्दैछिन । कान्छो छोरो काखमा छ । जन्मेको ६ महिनासम्म स्वस्थ्य नै भए पनि त्यसपछि छोरीहरु पालैपालो थला परेको बाबु बलबहादुरले बताउनुभयो । अपांग छोरीहरु निरन्तर बिरामी पर्ने भएकाले परिवार झनै समस्यामा पर्ने गरेको छ ।

उपचारका लागि बाबु आमाले ऋण गरेर विभिन्न ठाउँका अस्पतालसम्म पुर्‍याए पनि उपचार सम्भव छैन भनेर डाक्टरले नै फर्काएपछि उनीहरु मृत्यपर्यन्त सुतेरै दिन काट्न बाध्य छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जन्मदेखि नै अपांग एकै परिवारका तीन जनालाई प्रवासी बालबालिकाको आर्थिक सहयोग

अपांग बालबालिकाकाे फाइल फाेटाे

अपांग बालबालिकालार्इ सहयाेग गर्ने प्रवासी बालबालिका

तपाईको प्रतिक्रिया