बेपत्ता भएका १९ महिने बालक २३ घण्टापछि जंगलमा सकुशल भेटिए

फागुन २९, २०७५ बुधबार २०:०:२ | सुवास दर्नाल

सोलुखुम्बु – खोटाङको जंगलमा बेपत्ता भएका १९ महिने बालक २३ घण्टापछि सकुशल भेटिएका छन् ।

मंगलबार बिहान साढे १० बजे घरबाटै हराएका दिप्रुङ चुइचुम्मा गाउँपालिका–७ टेम्मा हात्तीसार टोलका राजकुमार मगर र सपना मगरको छोरा एवान मगर बुधबार बिहान ९ बजे जंगलमा भेटिएका हुन् ।

घरबाटै बेपत्ता भएका हिँडडुल गर्न नसक्ने बालक घरभन्दा २ किलोमिटर टाढा पर्ने भस्लुङपाखामा सकुसश फेला परेको स्थानीय शिक्षक पञ्चुकुमार राईले बताउनुभयो ।

मंगलबार दिनभर र रातभर खोजी गर्दा नभेटिएका बालकलाई शेषथुम्कीको पाखामा उत्तिसको घना जंगल र काँडाघारीभित्र चुथ्रोको फेदमा बसिरहेको अवस्थामा फेला पारिएको हो । चुथ्रोको फेदमा शान्तसँग बसिरहेका बालक स्थानीयलाई देखेपछि अत्तालिँदै आफन्ततर्फ आएको शिक्षक राईले बताउनुभयो ।

हिँडडुल गर्न नसक्ने बालक घरभन्दा दुई किलोमिटर माथि जंगलको घारीमा भेटिएपछि स्थानीय सशंकित भएका छन् । बेपत्ता भएको बालक फेला परेपछि अभिभावक भने खुशी भएका छन् । बालक हराएपछि प्रहरीलाई समेत खबर गरिएको थियो ।

आमा कामका लागि बारीमा गएका बेला बालकलाई हजुरबाको हेरचाहमा छाडिएको थियो । हजुरबा काम विशेषले केहीछिन घरबाहिर गएर फर्कँदा बालक राखेको ठाउँबाट बेपत्ता भएको आफन्तको भनाइ छ ।

बालकको खोजीका लागि स्थानीयवासी परिचालित गरिएको थियो । बालक हराएको खबर आएपछि प्रहरीसमेत परिचालन गरिएको जिल्ला प्रहरी कार्यालय खोटाङका डीएसपी राजकुमार केसीले बताउनुभयो । स्वास्थ्य जाँच गर्दा पनि बालकको अवस्था सामान्य रहेको जानकारी आएको छ ।

यसबारेमा थप अनुसन्धान भइरहेको प्रहरीको भनाइ छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्