न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
काठमाण्डाै - नेपाल टेलिभिजनबाट प्रसारण हुँदै आएको हास्यव्यंग्य कार्यक्रम मुन्द्रेको कमेडी क्लबमा कलाकार लुनिभा तुलाधर थपिएकी छन् ।
उनी नेपाली दर्शकमाझ पवनकली नामले परिचित छिन् ।
यसअघि कार्यक्रममा दिपाश्री निरौला, जितु नेपाल, राजाराम पौडेल, राजेन्द्र नेपाली र उमेश राई रहँदै आएका थिए । मुन्द्रेको कमेडी क्लबको अबको श्रृंखलामा भने लुनिभा तुलाधरलाई पनि देख्न पाइनेछ ।
कार्यक्रमले दर्शकको उत्कृष्ट साथ पाइरहेको छ । कार्यक्रमलाई अझ मनोरन्जनात्मक बनाउन नयाँ कलाकार थप गरिएको जितु नेपाल उर्फ मुन्दे्र बताउँछन् ।
सुरुवातमा केही आलोचना खेप्नु परे पनि पछिल्लो समय भने कार्यक्रमको लोकप्रियता बढ्दै गइरहेको छ । कार्यक्रले २५ औं एपिसोड पूरा गरेको छ ।
हरेक सोमबार राति ९ बजे नेपाल टेलिभिजनबाट प्रसारण हुने मुन्द्रेको कमेडी क्लब केदार घिमिरे – माग्ने बुढाको यूट्यूब च्यानल आमा अग्निकुमारी मिडियाबाट पनि हेर्न सकिन्छ ।