परीक्षा हलमा चिट ल्याएकाे निहुँमा एसईई परीक्षार्थीलाई सुरक्षाकर्मीले कुटे

चैत १५, २०७५ शुक्रबार २१:३:५३ | सुवास दर्नाल

खोटाङ - खोटाङमा एसईई परीक्षा दिइरहेका एक विद्यार्थीलाई प्रहरीले शुक्रबार कुटपिट गरेका छन् ।

रावाबेशी गाउँपालिकाको देउराली उच्च माध्यमिक विद्यालय परीक्षा केन्द्रमा परीक्षा दिइरहेका लकुमार श्रेष्ठलाई प्रहरी जवान रामबाबु यादवले कुटपिट गरेका हुन् । प्रहरीले परीक्षा केन्द्रभित्र चिट ल्याएको भन्दै कुटपिट गरेको पीडित श्रेष्ठले बताएका छन् ।

दिक्तेल रुपाकोट मझुवागडी नगरपालिका १२ जालपाका लकुमार श्रेष्ठ शारदा माध्यमिक विद्यालय हौँचुरका छात्र हुन् । लुकाएर लगेको गेसपेपर प्रहरीले देखेपछि मागेको र गेसपेपर दिएपछि किन ल्याइस् भन्दै घोप्टो पर्न लगाएर लट्ठीले हानेको पीडित विद्यार्थीले बताएका छन् ।

परिक्षा केन्द्र सुरक्षाको लागि खटिएका प्रहरी जवान यादवले भने गल्ती स्विकार्दै माफी मागेका छन् । परिक्षा केन्द्र अध्यक्ष किशोर केसी, सुरक्षाकर्मी, पीडित बिद्यार्थी, शारदा माध्यमिक विद्यालयका प्रधानाध्यापक, विद्यालय ब्यबस्थापन समितिका अध्यक्ष लगायत बुद्धिजीवी सम्मिलित बैठकमा आफूले गल्ती गरेको स्वीकार गर्दै माफी मागेका हुन् ।

परीक्षा केन्द्र सुरक्षाका लागि बसेको प्रहरीले विद्यार्थीमाथि हातपात गर्न नमिल्ने परीक्षा केन्द्रका अध्यक्ष किशोर केसीले बताउनुभयो । तर खोटाङका प्रहरी उपरीक्षक राजकुमार केसीले भने विद्यार्थी र प्रहरी शौचालय जाने क्रममा एक आपसमा ठोक्किएको र कुरा मिलिसकेको दाबी गर्नुभयो ।

पीडित विद्यार्थी अध्ययनरत शारदा मावि हौँचुरका विद्यालय व्यवस्थापन समितिका अध्यक्ष प्रदिप कार्कीले भने कुटपिटमा संलग्न प्रहरी जवान रामबाबु यादव र चौकीका असई लगायतले गल्ती स्वीकार गरेर माफी मागेपछि छाडेको बताउनुभयो ।

उहाँले प्रहरीको यस्तो हर्कतले विद्यार्थीलाई मानसिक तनाव हुने र सोचे जस्तो नतिजा नआउने बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्