फाल्गुनन्द गोल्डकपमा आज मछिन्द्र क्लब र झापा–११ खेल्दै
पुस ७, २०८१ आइतबार
विश्वभरका लगानीकर्तालाई सन्देश : नेपाल अब जाग्दैछ
काठमाण्डौ - निकै ठूलो उत्साहसहित अर्थमन्त्री डाक्टर युवराज खतिवडाले दुई दिनसम्म चलेको लगानी सम्मेलनको समापन गर्नुभयो ।
‘तपाईँहरुको चासो, प्रतिबद्धता र लगानीको लागि देखाएको इच्छाले म ढुक्क भएको छु, हामीले नेपाललाई विदेशी लगानीको नयाँ तर उत्कृष्ट गन्तव्य बनाउन सफल हुनेछौं’, समापन समाराहेमा अर्थमन्त्री खतिवडाले भन्नुभयो ।
४० देशका तीन सय कम्पनीका ७ सय भन्दा धेरै लगानीकर्ता, नेपालका ६ सय उद्योगी व्यापारी अनि विभिन्न सरकारी निकाय सहभागी लगानी सम्मेलनमा विदेशीले खुब चासो मानेर नेपालमा लगानी गर्दा कस्तो भएको छ, र भविष्यमा कहाँ लगानी गर्ने भन्ने विषयमा छलफल बहस गरे ।
१५ वटा परियोजनामा हस्ताक्षर भयो, एउटा परियोजनामा लगानीको प्रतिबद्धता आएको छ, अनि लगानी बोर्डले छानेका ७७ वटा परियोजनामा लगानी गर्न आउँदो अप्रिल २२ तारिख अर्थात वैशाख ९ गतेसम्म आवेदन दिन सकिने भएकाले यसको सकारात्मक प्रभाव पर्नेमा सरकार ढुक्क छ ।
यसपटकको सम्मेलनको उद्घाटनदेखि समापनसम्म नेपालमा लगानीको लागि प्रशस्तै कानुन बनेका, वातवरणीय हिसाबले विश्वकै उत्कृष्ट रहेको र लगानीपछि नाफा लैजान कुनै गाह्रो नभएको कुरा स्वदेशीसँगै विदेशीले पनि मज्जाले बुझे र बुझाए ।
‘आजको भोलि नै लगानी आउने होइन, तर नेपालबारे विश्वभर सन्देश पुग्यो’
लगानी सम्मेलन सकिएलगत्तै उज्यालो अनलाइनसँग कुरा गर्दै अर्थसचिव डा. राजन खनालले लगानी सम्मेलन सरकारले सोचेभन्दा पनि राम्रो भएको दाबी गर्नुभयो ।
‘लगानीका लागि आजै नै खर्बौको प्रतिबद्धता आउनेभन्दा पनि हामीले नेपाल अब जाग्न सुरु ग¥यो भन्ने सन्देश दिन सफल भएका छौँ, ४० देशका तीन सय कम्पनीका सात सय पाहुनाले नेपाल लगानीको उत्तम गन्तव्य हो भन्नेमा प्रष्ट भएका छन्’, अर्थसचिव खनालले भन्नुभयो ।
यस्तै लगानी बोर्डका सीईओ महाप्रसाद अधिकारीले यसपटकको लगानी सम्मेलन नेपालको विकास निर्माणमा कोशेढुंगा बन्नेगरी सफल भएको बताउनुभयो ।
‘हामीले जुन खालको इभेन्ट गर्यौँ, यस्ता इभेन्टले हामीलाई बैदेशिक लगानीका थुप्रै ढोका खोल्ने अवसर दिन्छ, हामी अब लगानीका लागि धेरै पर्खन सक्दैनौँ भन्ने पनि देखिएको छ’, सीईओ अधिकारीले भन्नुभयो ।
विश्वका ठूला संस्था र कम्पनीको ऐक्यबद्धता
लगानी सम्मेलनमा विश्व बैंक, एसियाली विकास बैंक, एसियाली पूर्वाधार विकास बैंक, एक्जिम बैंक, मलेसिया विकास प्राधिकरण, म्यानमार, यूएईलगायत देशका मन्त्री, जापानको माइगा कम्पनी, भारतको मूटहूट ग्रुपलगायतका प्रमुखहरुले विभिन्न सत्रमा नेपाल अब लगानीको गन्तव्य किन नहुने भन्दै उत्साह जगाए ।
विभिन्न सत्रमा उनीहरुले नेपालले लगानीमैत्री कानुन निर्माण गरेकोमा खुशी व्यक्त गरे ।
यस्तै सूर्य नेपाल, एनसेल, युनिलिभर, बुटवल पावर कम्पनी, चौधरी ग्रुप, गैरआवासीय नेपालीलगायतका बहुराष्ट्रिय कम्पनीले नेपालमा लगानी गरेर एक हजार प्रतिशतसम्म नाफा कमाएको र नाफा सजिलै आफ्नो देश फर्काउन सकिएको उदाहरण दिएकाले विदेशी लगानीकर्ता थप उत्साहित भए ।
जति तारिफ गरे पनि कम हुने निजी क्षेत्रको सहभागिता
सम्मेलनमा नेपालको निजी क्षेत्रले सरकारको खुलेर प्रशंसा गरे, कैयौं विदेशी लगानीकर्तासँग नेपालका उद्योगी व्यापारीले दुईपक्षीय तथा बहुपक्षीय बैठक गरेर साझेदारीमार्फत नेपालमा लगानी गर्न सकिने वातावरण बनाएका छन् ।
सम्मेलनमा नेपाल उद्योग वाणिज्य संघ, नेपाल उद्योग परिसंघ, चेम्बर अफ् कमर्सलगायतका निजी क्षेत्रका छाता संगठनले बलियो उपस्थिति जनाए । शेखर गोल्छा, भवानी राणा, रुप ज्योती, अनुपमा खुञ्जेली, हरिभक्त शर्मालगायतले विभिन्न सत्रमा भनाइ राखे । उनीहरुको एउटै भनाइ थियो, ‘नेपाल विदेशी लगानी पर्खेर बसेको छ, नेपाल सरकार तपाईँहरुलाई सहयोग गर्न निकै सकारात्मक रहेको देखेका छौँ ।’
‘यतिका धेरै विदेशीको अभुतपूर्व सहभागिता नै यो सम्मेलनको सफलताको पाटो हो, त्यसमाथि सरकार र हामीले एउटै मुखमा विदेशी लगानीकर्तालाई स्वागत गरेका छौँ, यसले बडो गज्जबको सन्देश गएको छ’, परिसंघका अध्यक्ष हरिभक्त शर्माले उज्यालो अनलाइनसँग भन्नुभयो ।
उहाँले भन्नुभयो, ‘अब हामीले विदेशमा गएर नेपालमा लगानी गर भनेर आग्रह गर्दा धेरै यो लगानी सम्मेलन सम्झनेछन्, हामीले सुधार गरेका कानुन, यहाँको वातावरण अनि सांस्कृतिक विविधताको प्रचारप्रसारमा पनि सम्मेलन उत्कृष्ट रह्यो ।
याे पनि पढ्नुहोस् ।
लगानी सम्मेलनको पहिलो दिन : विदेशीले गरे प्रशंसा, नेपाली मख्ख !
विदेशीले बहाना मात्रै गरेका हुन कि नेपालमा लगानी गर्न साँच्चै झण्झट छ ?
विदेशीलाई देखाउने परियोजना यस्ता : लगानी गरौँ गरौँ जस्ता
‘नेपालको मुहार फेर्ने परियोजनाको लागि पैसा छैन, त्यसैले लगानी सम्मेलन’
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
अर्जुन पोख्रेल
उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ। 
1 Comments
समाचार
-
-
ब्राजिलमा गाडी दुर्घटना हुँदा ३८ जनाको ज्यान गयो
पुस ७, २०८१ आइतबार
-
बागमती प्रदेशमा यस वर्ष धानको उत्पादन घट्यो : असोजको बाढीपहिर...
पुस ७, २०८१ आइतबार
-
दाइकै टिमसँग हारेको भनेर जिस्काउँदा रिस उठेको थियो, उपाधि ...
पुस ७, २०८१ आइतबार
-
मुग्लिन–काठमाण्डौ सडक आजदेखि दैनिक तीन घण्टा बन्द हुने
पुस ७, २०८१ आइतबार
-
जनकपुरले एनपीएलको उपाधि जितेको खुसीमा सखुवा प्रसौनीमा सार्व...
पुस ७, २०८१ आइतबार
-
भूकम्पको केन्द्रबिन्दु रहेको बाजुराको गोत्रीमा १ सय २३ वटा घरम...
पुस ७, २०८१ आइतबार
-
पहिलो संस्करणको एनपीएल सम्पन्न : कसले कति पुरस्कार पाए ?
पुस ७, २०८१ आइतबार
-
तेह्रथुममा टिकटक बनाउने क्रममा चिप्लिएर खोलामा बगेका दुई जना...
पुस ७, २०८१ आइतबार
-
प्रिमियर लिगमा आर्सनल विजयी, म्यानचेस्टर सिटी एस्टन भिल्लासँग ह...
पुस ७, २०८१ आइतबार
-
इजरायल र हमासबीच युद्धविराम र बन्धक रिहा गर्ने सम्झौतामा ९० प्...
पुस ७, २०८१ आइतबार
-
अबका केही दिन देशका विभिन्न ठाउँमा वर्षा र बदली
पुस ७, २०८१ आइतबार
-
साउनदेखि मंसीरसम्ममा १३ अर्ब रुपैयाँभन्दा धेरैको बिजुली निर्य...
पुस ६, २०८१ शनिबार
-
पृथ्वीको अवलोकन गर्ने शक्तिशाली उपग्रह प्रक्षेपण गर्ने अमेरिका र...
पुस ६, २०८१ शनिबार
विचार
-
कागजपत्र लगेर कम्पनी दर्ता गर्ने प्रक्रिया बन्द भइसक्यो
मंसिर ३०, २०८१ आइतबार
-
बीआरआईमा हस्ताक्षर भयो, तर अन्तिम किनारा लगाउन बाँकी छ
मंसिर २०, २०८१ बिहिबार
-
पुराना दलको वर्चस्व कायमै, माओवादीका नेता बिग्रिए पनि आधार क्...
मंसिर १८, २०८१ मंगलबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Samuel Shaw
March 31, 2019, 1:59 p.m.It's a wise step on time but let's not be happy with MOU with various organizations but it must be followed systematically and one by one priority basis for the prosperity of either parties in win win situation.God bless